All for Joomla All for Webmasters

ने.सं. ११३६ यंलागा अष्टमी

देउवा सरकार सुरक्षित

सत्ता साझेदार पार्टी माओवादी केन्द्र एमालेलिसे पार्टी एकीकरणया लँय् वंसां नं वर्तमान सरकारयात छुं खतरा धाःसा मदुगु खँ धाःगु दु । माओवादी केन्द्र सत्तापक्षीय पार्टी खःसां नं वं विपक्षी एमालेलिसे चुनाव तालमेल यायेगु निर्णय याःगु दु । तर अथे खःसां आः तक सरकार त्वःतेगु खँ नं धाःगु मदुनि । छुं जुयाः सरकार त्वःताः हे पिहां वन धाःसां नं शेरबहादुर देउवाया नेतृत्वय् गठन जुयाच्वंगु वर्तमान सरकारयात छुं खतरा धाःसा मदुगु खँ धाःगु दु ।

सत्ता साझेदार पार्टीतय् पोजिशनय् वःगु हिउपाःया कारणं सरकारयात छुं समस्या वइ लाकि धकाः प्रधानमन्त्री देउवां म्हिगः कानून व्यवसायीतलिसे सल्लाह नं यानादीगु खः । आः तत्कालया लागिं माओवादी केन्द्र सरकार त्वःताः हे पिहां वन धाःसां नं देउवा सरकारयात माःगु बहुमत गाःगु जुयाः सरकारयात छुं खतरा मदुगु सुझाव कानूनविद्तय्सं बिउगु खः ।

अथे खःसां आः सत्ता साझेदार पार्टी माओवादी केन्द्र एमालिसे मिले जू वंगु व चुनाव नं न्ह्यःने वःगु जुयाः वर्तमान सरकार भंग यानाः फुक्क हे दल दुथ्याःगु राष्ट्रिय सरकार गठन यायेमाः धइगु सुझाव नं प्रम देउवायात वयाच्वंगु दु । उखे वाम गठबन्धनं नं आःयात सरकार परिवर्तनया खेलय् थःपिं वनेगु मखु धकाः म्हिगः निर्णय याःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.