All for Joomla All for Webmasters

ने.सं. ११३६ यंलागा अष्टमी

विराट सम्मेलन व तःमुँज्या क्वचाल

 दँय्दसं मोहनीया झालय् याना वयाच्वंगु विराट नेपालभाषा साहित्य सम्मेलन वंगु सोमवाः द्वादशी कुन्हु तःजिक कमलविनायक तःजिक न्यायेकल । ५६ क्वःगुखुसी जुयाच्वंगु थुगु सम्मेलनया उलेज्या यानादिसें वाङमय शताब्दी पुरुष व संस्कृतिविद् सत्यमोहन जोशीं झीगु कला, संस्कृति व भाषा, साहित्य विकासय् विराट गुथिं तःधंगु भूमिका म्हिताच्वंगु खँ कनादिल । विराट गुथिया नायः कृष्णभक्त बोडेया सभापतित्वय् जूगु सम्मेलनय् साहित्यकार व समालोचक प्रा. नर्मदेश्वर प्रधानयात ख्येँ सगं बियाः बेतालीं चिकाः, दोसल्लां न्ययेकाः हनेज्या याःगु खः ।

छेँय् छँेय् मांभासं न्ववाये, मस्तय्त मांभाय् स्यने धयागु ताःतयाः न्ह्यानाच्वंगु विराट सम्मेलनय् प्रतिसरा साय्मि, सुजिता माःजु, न्हुछेभक्त कवा“, रेखा शाक्य, तिलकप्रकाश कायष्ठ, शशिकला मानन्धर, नारद बज्राचार्य, रेणु श्रेष्ठ, त्रिरत्न शाक्य, सकुन्तला महर्जन, राजा शाक्य, शरण ज्यापु, शाक्य सुरेन, राजभाइ जकःमि, शरद कसाः, नविन प्रकाश श्रेष्ठ, लक्ष्मण राजवंशी, ध्रुव मधिकर्मी र सुधिर ख्वबिपिंसं रचना पाठ यानादीगु खः ।

ज्याझ्वलय् थुगुसी एसईई परिक्षाय् नेपालभाषा विषयय् दकलय् अप्वः ल्याः हःम्ह शान्ति निकुञ्ज मा.विया सचिन कारंजितयात नेपालभाषा पदक, सिरपाः व प्रमाणपत्र नं लःलहाःगु खः । ज्याझ्वलय् सिद्धिदास प्रतिष्ठानया नायः नरेन्द्रभक्त हाडा, वरिष्ठा साहित्यकार डा. योगेन्द्रं प्रधान, प्रा. नर्मदेश्वर प्रधानपिंसं न्ववानादीगु खःसा किपूया इन्द्रेणी साँस्कृतिक समाजया कलाकारपिंसं हुलाप्याखं न्ह्यब्वःगु खः ।नेपालभाषा साहित्य तःमुँज्याया ३७ क्वःगु सम्मेलन थीथी भाय्या रचना पाठ व सम्मान लिसें क्वचाःगु दु ।

तःमुँज्याय् साहित्यकार कृष्णप्रसाद भण्डारी व संस्कृतिविद् तेजेश्वरबाबु ग्वंगःयात सम्मान याःगु खःसा नेपालभाषाया लिसें मैथिली, भोजपुरी, तामाङ भाय्या कविता, म्येँ, गजल, ख्यालः न्ह्यब्वःगु खः । तःमुँज्याय् साहित्यकार व नेमकिपाया अध्यक्ष नारायणमान विजुक्छेँ लिसें सांसद प्रेम सुवाल व अनुराधा थापा मगर व ख्वप नगरपालिकाया मेयर सुनिल प्रजापतिं नं थःथःगु रचना ब्वनाः न्यंकादीगु खः । ज्याझ्वलय् भैरव रिसाल, रमापतिलाल शर्मा, लक्ष्मण राजव्रशी, बुद्धिकुमार गोसाई, सरोज धिताल, मातृका पोखरेल, पुरुषोत्तम लोचन श्रेष्ठ, सुलोचना मानन्धर, सर्वज्ञभक्त मल्ल, प्रतिसरा साय्मि, रजनी जोशी, कृष्णलाल प्रधान, कोमलवदन मल्ल, धर्मभक्त बल्लपिंसं थःथःपिनि रचना ब्वनाः न्यंकादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.