All for Joomla All for Webmasters

ने.सं. ११३६ यंलागा अष्टमी

न्हूगु कथं संशोधन

 प्रदेश व प्रतिनिधि सभाया चुनाव न्ह्यः वाम एकताया नामं गठबन्धन याःगु एमाले, माओवादी केन्द्र व नयाँ शक्तिया नेतातय्सं चुनाव लिपा न्हूगु ढंगं संविधान संशोधन यायेगु खँ धाःगु दु । न्हापा मधेसवादी पार्टीतय् माग कथं माओवादी सहितया सरकारपाखें तःगु संशोधनयात एमालें याके मबियाच्वंगु खःसा आः न्हूगु खँ दुथ्याकाः संविधान संशोधन जुइपुगु खँ माओवादी केन्द्रया नेता अजय शंकर नायरं धयादीगु दु ।

‘थौंकन्हय् कार्यकारी राष्ट्रपति थेंज्याःगु खँ नं न्ह्यःने वयाच्वंगु दु, उकिं न्हूगु विषयत थप यानाः संविधान संशोधनय् वनेगु जुइ’ नायरं धयादीगु दु ।एमालेया नेता भीम रावलं आः परिस्थिति हिलेधुंकूगुलिं संशोधनया खँयात न्हापा थें यानाः स्वयेगु जुइमखु धासें संशोधन यायेत एमाले तयार जुइगु खँ धयादीगु दु । ‘जनताया चाहना कथं संविधानय् परिमार्जन यायेमाल धाःसा यायेगु जुइ, तर थ्व राष्ट्रया हितय् जुइमाः’ वय्कलं धयादीगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.