All for Joomla All for Webmasters

ने.सं. ११३६ यंलागा अष्टमी

प्रदेश व केन्द्रया चुनाव नेवाःतय्सं उपयोग यायेमाः

न्ह्यःने वयाच्वंगु प्रदेश व केन्द्रया चुनावय् नेवाःतय्सं गुकथं ब्वति कायेगु धइगु विषयय् नेपाः राष्ट्रिय पार्टीया ग्वसालय् म्हिगः सहलह मुँज्या जुल । पार्टीया नायः डा. विजय सैंजुया ज्याझ्वःया अध्यक्षता यासें आः जुइगु प्रेदशया चुनावय् स्वनिगलय् २८ हजार जक भोट वःसां छम्ह सांसद त्याइगु सम्भावना दुगुलिं थ्व चुनावयात नेवाःतय्सं उपयोग यायेमाःगु बिचाः तयादिल । नेवाः न्ह्यलुवा मल्ल के. सुन्दरं आः नेवाः नेवाः धकाः सिद्धान्तया जक खँ ल्हानाः चुनाव त्याके फइगु सम्भावना मदया वनाच्वंगु खँ कुलादिलसा डा. महेशमान श्रेष्ठं आः नेवाःतय्सं प्रदेश व केन्द्र निगुलिं चुनाव छ्यलेमाःगु खँ कनादिल ।

ज्याझ्वलय् प्रा.डा. दुर्गालाल श्रेष्ठ, डा. रविन्द्र कुमार शाक्य, पंचकुमारी मानन्धर, नेवाः देय् दबूया नायः नरेश ताम्राकार, डा. शंकरप्रसाद राजभण्डारी, चाल्र्स प्रधानपिंसं चुनावय् नेवाःत अत्यधिक रुपं त्याका वनेमाःगु विषयय् थःगु बिचाः तयादीगु खः । ज्याझ्वलय् पार्टीया महासचिव कृष्णहरि महर्जन व सुरेश मानन्धरं नं न्ववानादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.