All for Joomla All for Webmasters

ने.सं. ११३६ यंलागा अष्टमी

गणतन्त्रय् नं राजतन्त्र !

देशय् गणतन्त्र वयेधुंकाः नं सत्ताय् थ्यंपिं शासकतय्सं धाःसा राजतन्त्रया हे पृष्ठपोषण यानाच्वंगु संकेत पिहां वःगु दु । पोखराया दुवातय् धस्वाकातःगु न्हापांम्ह शहीद लखन थापाया शालीकयात टफिक जाम जुल धकाः चीकेगु ज्या जूगु दु । शुरुइ उगु शालीक तयातःगु आइल्याण्डं टफिक जाम जुल धकाः आइल्याण्ड जक चिकूगु खःसा लिपा डोजर हयाः शालीक हे चीका छ्वःगु खः । उकियात आदिवासी जनजाति महासंघ व मगर संघपाखें कडा विरोध यायेवं आः लखन थापाया शालीक हानं अन हे पलिस्था यायेगु सहमति जूगु दु ।

थुकिया नेतृत्व मगर संघं यायेगु व उकियात माःगु खर्च महानगरपालिकां व्यहोरे यायेगु सहमति जूगु दु । न्हापा पृथ्वीनारायण शाहया शालीक तयातःगु थ्व थासय् उगु शालीक क्वःथला बीवं लिपा शहीद लखन थापाया शालीक तयेगु ज्या जूगु खः गुकिया उलेज्या तत्कालिन प्रधानमन्त्री डा. बाबुराम भटराईं यानादीगु खः । थ्वहे इलय् मेखे राष्ट्पति विद्या भण्डारीं चन्द्रागिरीइ दयेकूगु जुजु पृथ्वीनारायण शाहया शालीक उलेज्या यानादीगु दु । एमाले अध्यक्ष केपी ओलीया निर्देशन कथं अन पृथ्वीनारायण शाहया शालीक तःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.