All for Joomla All for Webmasters

ने.सं. ११३६ यंलागा अष्टमी

सांसदयात पूर्व पदाधिकारीया सुविधा मबीगु

गृहमन्त्री जनार्दन शर्मां सांसदतय्त पूर्वपदाधिकारीया धलखय् तये फइ मखु धयादीगु दु । पूर्वपदाधिकारीतय् सुविधा सम्बन्धी विधेयकय् सांसदतय्त नं पूर्वपदाधिकारीया धलखय् तयातःगु खः । गृहमन्त्री शर्मां सांसदतय्त पूर्वपदाधिकारीया धलखय् तये फइ मखु धायेवं आः संसदीय समितिं थ्व विधेयकय् पुनर्विचाः याइगु जूगु दु । सांसदतय् मर्यादाक्रम निर्धारण यायेत धकाः तःगु प्रस्तावयात पुनर्बिचाः यायेत गृहमन्त्री जनार्दन शर्मां इनाप यायेवं थ्व विधेयक आः हाकनं राज्य व्यवस्था अन्तर्गतया उपसमितिइ हे लिहां वंगु दु । न्हापा थ्व विधेयकय् राष्ट्रपति, उपराष्ट्रपति, प्रधानमन्त्री, मन्त्रिपरिषद्या अध्यक्ष, प्रधान न्यायाधीश, प्रतिनिधिसभा वा व्यवस्थापिका संसदया सभामुख, राष्ट्रिय सभा वा संविधान सभाया अध्यक्ष जुइधुंकूपिंत जक पूर्व पदाधिकारीया धलखय् तःगु खः, लिपा थुकी सांसदतय्त नं दुथ्याकेवं विवाद सुरु जूगु खः ।

गृहमन्त्री शर्मां आःया परिस्थितिइ माननीय सांसद व पूर्व पदाधिकारीतय् परिभाषाय् अन्तर यायेमाः धासें लिपा राज्यया स्रोत बल्लाइबलय् बिस्कं हे विधेयक यंकाः सुविधा बी फइ धयादीगु खः ।सांसदतय्सं ताःई न्ह्यवंनिसें थःपिंत पेन्सन लगायतया सुविधाया व्यवस्था यायेमाः धकाः दबाब बिया वयाच्वंगु खः । आः वःगु विधेयकय् पूर्व राष्ट्रपतियात लछिया ५० द्वः तका बीगु व राजधानीइ छेँ मदुम्ह पूर्व राष्ट्रपतियात छेँबहाः कथं निगू लाख दां बीगु न्ह्यथनातःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.