All for Joomla All for Webmasters

ने.सं. ११३६ यंलागा अष्टमी

डाक्टरपाखें मन्त्रालय घेराउ

डाक्टरयात हातपात याइपिंत नं कारवाही यायेमाःगु माग

विरामी सित धाःसा डाक्टरपाखें क्षतिपूर्ति पुइकेगु धकाः दयेकाच्वंगु विधेयकया विरोध यानाच्वंपिं चिकित्सकतय्सं थौं स्वास्थ्य मन्त्रालय पिने धर्ना बिउगु दु । उगु विधेयकय् उल्लेखित थ्व बुँदा लित कायेमाः धइगु माग यासें नेपाल चिकित्सक संघं देय्न्यंकंया अस्पतालय् इमर्जेन्सी छगू बाहेक मेगु सेवा ठप्प याना तःगु दु । थःपिनि हडतालयात जारी हे यासें चिकित्सकतय्सं थौं स्वास्थ्य मन्त्रालयय् धर्ना बीगु ज्याझ्वः नं याःगु खः । लिसें आः संघया थीथी जिल्लाय् च्वंगु शाखातय्सं नं थुकिया विरोधय् जिल्ला जिल्लाय् अलग ज्याझ्वःत याना वनेगु निर्णय याःगु दु । थ्वहे झ्वलय् चिकित्सक संघं थ्व विषययात कयाः सहलह ब्याकेत थौं डाक्टर, नर्स लगायत थीथी ख्यःया बुद्धिजीवीतय्गु नं छगू भेला सःतूगु दु । विरामी सित धाःसा चिकित्सकयात क्षतिपूर्ति पुइकेगु थ्व विधेयक लित कायेकेत पहल याना वनेगु उपाय मालेगु बारे सहलह यायेत थौं च्वं भेला च्वनेत्यंगु खँ धाःगु दु ।

थ्वहे झ्वलय् स्वास्थ्य मन्त्रालय सूत्रं थ्व समस्या मन्त्रालयं जक समाधान याये फइ मखु धाःगु दु । थ्व समस्या मन्त्रिपरिषद्या बैठकं जक समाधान याये फइगु जूगुलिं मन्त्रिपरिषद्य् हे थुकियात यंकाः पेश यायेगु जुइ धाःगु दु । सूत्रतय्सं धाः कथं चिकित्सकतय् दबाबं यानाः क्षतिपूर्ति सम्बन्धी थ्व विधेयकय् संशोधन यायेत सरकार तयार जुइधुंकूगु खँ धाःगु दु । लापर्वाहीपूर्वक वासः जुयाः सीम्ह विरामीयात क्षतिपूर्ति ला बीगु थ्व दां धाःसा डाक्टरपाखें पुइकेगु मयासे सरकारपाखें वा मेगु छुं कोषपाखें व्यवस्था यायेगु प्रस्ताव न्ह्यःने वयाच्वंगु दु । आः मस्यौदा जुयाच्वंगु विधेयकय् उगु बुँदायात संशोधन यानाः थुकथं तयेगु बारे सहलह जुयाच्वंगु खँ सूत्रं धाःगु दु । चिकित्सकतय्सं धाःसा डाक्टर–यात कारवाही यायेगु जक मखु विरामी सित धकाः डाक्टरयात हातपात याइपिं व अस्पताल तोडफोड याइपिं विरामीया थःथितियात कारवाही यायेगु विशेष बुँदा समेत दुथ्याकेमाः धकाः माग यानाच्वंगु दु ।

डा. केसी हानं अनसनय्

थ्वहे झ्वलय् चिकित्सा स्वास्थ्य सम्बन्धी विधेयक संशोधन यायेमाःगु माग यासें आन्दोलन याना वया च्वनादीम्ह डा. गोविन्द केसीं थनिंनिसें हानं अनसन शुरु यायेगु खँ कनादीगु दु । वय्कलं मोहनि लिपा जक थःगु १२ क्वःगु अनसन शुरु यायेगु खँ धयादीगु खःसां उगु विधेयकयात आः हे चलखेल यानाः पारित याना छ्वयेगु कुतः जुयाच्वंगुलिं उकियात पनेगु लागिं आः हे अनसन शुरु यायेमाःगु खँ वय्कलं धयादीगु दु । थुगुसीया वय्कःया अनसन धाःसा मोहनि नखःया न्ह्यःने लाःगु दु । थ्व स्वयां न्ह्यः नं वय्कःया छगू अनसन मोहनि नखःया इलय् लानाः दथुइ हे स्थगित यायेमाःगु खः । मोहनि नखःया इलय् टिचिङ अस्पताल खाली हे जूगु व अनसनयात वास्ता याइपिं तक हे मदयाः दथुइ हे स्थगित यायेमाःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.