All for Joomla All for Webmasters

ने.सं. ११३६ यंलागा अष्टमी

नेवाः चेम्वर नीस्वनेत ह्याउँनिभालं पहल याइगु

‘नेवाः लगानीं नेवाः बजाः बिस्तार, नेवाः समुदायया बिकासया नितिं’ अवधारणा कय्च्यानाः ह्याउँनिभाः पुचलं नेवाः चेम्वर अफ कमर्श एण्ड प्र्रोफेशनल्स नीस्वनेत पहल याइगु जूगु दु । म्हिगः शनिबाः येँय् जूगु ह्याउँनिभाः पुचःया पुलापिं जः मुना ज्याझ्वलं थुगु खँ क्वःछिउगु खः । नेवाः ब्यापारीपिं, पेशेवर नेवाः व्यक्तित्वपिं व नेवाः सामाजिक राजनैतिक अभियन्तापिं लिसे थ्व खँय् सहलह ब्याकेत भाजु अनुप सिं सुवालयात भाला ब्यूगु दु । थ्व हे मुनां भाजु मनरत्न शाक्यया संयोजकत्वय् ह्याउँनिभाः पुचःया संरक्षक पुचः दयेकाः उकिइ भाजु अनुप सिं सुवाल, भाजु मनराजा रञ्जित व यादव रञ्जितपिंत दुथ्याकूगु दु । उगु मुनां राकेश मास्केया संयोजकत्वय् धिरेन्द्र बहादुर राजभण्डारी, धनबहादुर महर्जन, सोहन लाल प्रधान, अच्यूत बज्राचार्य, दयाचन्द्र श्रेष्ठ, उज्ज्वल बज्राचार्य व गोपाल श्रेष्ठ दुथ्याःगु संयोजन पुचः नं दयेकूगु दु । पुचलं नेवाः बजारय् लगानी यानाः पुचःया दुजः व नेवाः समुदायया आर्थिक बिकास यायेगु ताःतुनाः प्रत्यक्ष कथं ज्या यायेत याकनं हे नेवाः इन्भेस्टमेन्ट कम्पनी चायेकेगुु नं क्वःछिउगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.