All for Joomla All for Webmasters

ने.सं. ११३६ यंलागा अष्टमी

गद्दी बैठक अमेरिकां दयेकीगु

बसन्तपुली च्वंगु गद्दी बैठकया पुनःनिर्माण थ्वहे महिनांनिसें शुरु जुइगु जूगु दु । निदँत्या न्ह्यःया तःभुखाचं गद्दी बैठक नं क्षतिग्रस्त जूगु खः ।गद्दी बैठकया पुनःनिर्माण अमेरिकाया आर्थिक ग्वाहालिइ जापानया मियामोटो कम्पनीं दयेकेत्यंगु खः । गद्दी बैठकया पुनःनिर्माणया निंतिं अमेरिकी राजदूतं आर्थिक ग्वाहालि याइगु व जापानी कम्पनीया मंकाः ग्वाहालिइ निर्माण जुइत्यंगु खँ हनुमानध्याखा दरवार हेरचाह अड्डाया प्रमुख अरुणा नकःमिं कनादिल ।

उगु भवन निर्माणया निंतिं न्हय्गू करोड तका लागत तुइगु अनुमान यानातःगु दु । भवनया क्षति जूगु भाग वइगु निदँया दुने सबलीकरण विधिपाखें निर्माण यायेगु लक्ष्य कयातःगु दु । भवन पुनःनिर्माणया ज्या थ्वहे महिनानिसें शुरु यायेगु योजना दुगु खःसां छुं छुं प्राविधिक ज्याया कारणं ई काये फुगु खँ धाःगु दु । तत्कालीन राणा प्रधानमन्त्री चन्द्र शम्सेरया पालय् निर्माण जूगु बसन्तपूया गद्दी बैठकया पश्चिम बार्दली च्वनाः राष्ट्राध्यक्ष लगायत अति विशिष्ट पाहांपिंसं यँयाःबलय् कुमारी, गणेश व भैरवया दर्शन याइगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.