All for Joomla All for Webmasters

ने.सं. ११३६ यंलागा अष्टमी

वडाध्यक्षं पना बिल सतक विस्तार

थनया चाबही गणेद्यः लागाय् यायेत्यंगु सतक विस्तारया ज्या आःयात दिकेगु लागिं स्थानीय ७ वडा कार्यालयं पत्राचार याःगु दु । उगु लागाय् सतक विस्तारया लागिं जुयाच्वंगु कुतःयात स्थानीय जनतां स्वीकार मयाःनिगु कारणं आःयात थ्व ज्या न्ह्याके मत्यनि धकाः वडा अध्यक्ष शुद्धकुमार डंगोलं थीथी निकायय् पौ च्वयाः छ्वयादीगु खः । काठमाडौं सडक विस्तार आयोजनां चाबही गणेद्यःयाथासं उत्तर गंगाहिति मार्ग, मेडिकेयर अस्पताल लिउनेया लँपु विस्तार यायेगु धकाः योजना हःगु खः ।

तर अन सडक विस्तार याये न्ह्यः स्थानीय जनतालिसे खँल्हाबल्हा याये मानि, स्थानीय जनताया सहमति मदयेक छुं नं ज्या न्ह्याके मतेनि धकाः धायेक धायेकं नं सतक विस्तारया लागिं छेँय् छेँय् चिं तयेगु ज्या याः वःगुलिं आःयात थ्व ज्या दिकि धकाः वडा अध्यक्षं पौ च्वया छ्वःगु खः । वडाध्यक्ष डंगोलं येँ मनपा लगायत उपत्यका विकास प्राधिकरण, डिभिजन सतक कार्यालय, काठमाडौं सडक विस्तार आयोजना आदि लगायतया सरकारी ज्याकूयात पौ च्वया छ्वःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.