All for Joomla All for Webmasters

ने.सं. ११३६ यंलागा अष्टमी

‘थ्व चुनाव जनमत संग्रह खः’

नेपाली काँगे्रसया नेता लिसें पुलांम्ह उपप्रधानमन्त्री विमलेन्द्र निधिं प्रदेश नम्बर २ लय् आः जुयाच्वंगु स्थानीय तहया निर्वाचन धइगु संघीयताया पक्षधर सु खः व विरोधी सु खः धकाः म्हसीकेगु अवसर खः धयादीगु दु ।नेपाली कांगे्रस मिडिया सेन्टरपाखें थौं जनकपुरय् याःगु पत्रकार सम्मेलनय् न्ववासें वय्कलं थ्व खँ धयादीगु खः ।

वय्कलं एमाले मधेश विरोधी शक्ति खः धासें मधेसीयात विदेशी धइगु द्वपं बीम्ह एमालेयात थ्वहे चुनाव मार्फत पाठ स्यनेमाःगु बिचाः नं तयादिल । मधेसया माग सम्बोधन यायेत सरकारं हःगु संविधान संशोधनया प्रस्ताव एमालेया हे कारणं विफल जूगु द्वपं नं बियादिल । २ नम्बर प्रदेशय् आः कांग्रेसया पक्षय् लहर वःगु खनाः एमालेया नेतात छटपट जुयाच्वंगु दावी नं वय्कलं यानादिल ।

कांग्रेसया केन्द्रीय दुजः रमेश लेखकं २ नम्बर प्रदेशय् कांग्रेसया पक्षय् जनलहर ब्वलंगु दावी यानादिल ।वय्कलं आः जुयाच्वंगु स्वंगूगु चरणया चुनाव धइगु मधेस व मधेसी जनताया पक्षय् दनेगु खः कि विपक्षय् दनेगु खः धकाः जुयाच्वंगु छगू कथंया जनमत संग्रह खः धकाः नं दावी यानादिल । २ नम्बर क्षेत्रय् थौंकन्हय् संविधान संशोधनयात नं चुनावी मुद्दा दयेकाः प्रचार यानाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.