All for Joomla All for Webmasters

ने.सं. ११३६ यंलागा अष्टमी

जापानय् महाकवि सिद्धिदास बुन्हि

महाकवि सिद्धिदास महाजुया १५० दँ बुन्हि थुगुसी जापानय् नं हन । वल्र्ड नेवाः अर्गनाइजेशन जापानया ग्वसालय् वंगु शुक्रवाः छगू साहित्यिक ज्याझ्वः यासें बुन्हि हनेगु ज्या जूगु खः । ज्याझ्वलय् संस्थाया प्रतिनिधि जनकराज शाक्यं महाकविया म्हसीका बिसें नेपालभाषा साहित्य व जातिया उत्थानय् वय्कलं म्हितादीगु भूमिका बारे कनादिल । अथे हे प्रकाशलाल श्रेष्ठं नेपालं पिने च्वनाच्वंपिं नेवाःतय् म्हसीका ल्यंका तयेगु खःसा नेपालभाषा व साहित्यया संरक्षण जुइमाः धयादिल ।

सुनिल कुमार शाक्यया सभापतित्वय् जूगु उगु ज्याझ्वलय् शर्मिला शाक्यं लसकुस यानादीगु खःसा कृष्णवदन जोशी लिसें थीथी व्यक्तिपिंसं सिद्धिदास बारे बिचाः तयेगु व रचना पाठ यायेगु ज्या यानादीगु खः । जापानय् महाकवि सिद्धिदास महाजुया बुन्हि हंगु थ्वहे न्हापांखुसी खः । ज्याझ्वलय् जापानया तापााक तापाक थासय् च्वनाच्वंपिं समेत नेवाः साहित्यानुरागी व भाषासेवीपिनिगु उपस्थिति दुगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.