All for Joomla All for Webmasters

ने.सं. ११३६ यंलागा अष्टमी

‘चुनाव ल्वायेगु प्रदेशया नां बिउ’

मंसिरय् जुइगु केन्द्र व प्रदेशया चुनावय् समानुपातिकपाखें उम्मेदवारी बीपिं राजनीतिक दलतय्सं हानं छक्वः निवेदन बीत निर्वाचन आयोगं सुचं जारी याःगु दु । समानुपातिकपाखें उम्मेदवारी बीपिं राजनीतिक दलतय्सं छु छु प्रदेशं उम्मेदवारी बीगु खः धकाः न्हापा हे जानकारी बिया तयेत नं आयोगं इनाप याःगु दु । 

राजनीतिक दलतय्सं चुनावय् यदि ब्वति कायेगु खःसा केन्द्र व प्रदेश मध्ये छु छु चुनावय् ब्वति कायेगु, प्रदेशय् ब्वति कायेगु खःसा छु छु प्रदेशपाखें ब्वति कायेगु खः थ्व आः हे खुले यायेत नं इनाप याःगु खः । थुकिया लागिं थनिंनिसें कंस तकया ई बिउगु दु । यदि थ्व खँ खुले यानाः नां दर्ता मयात धाःसा चुनाव ल्वाये मखनीगु खँ नं आयोगं धाःगु दु ।

आयोगया थ्व सुचंपाखें तःधंगु दलतय्त छुं लिच्वः मलाःसां चीधंगु दलतय्त धाःसा अन्यौलय् लाका बिउगु दु । चीधंगु दलतय्सं देय्न्यंकं उम्मेदवारी बी फइगु अवस्था दइ मखु । अज्याःगु अवस्थाय् छु छु प्रदेशपाखें उम्मेदवारी बीगु धकाः आः हे नां दर्ता यायेमाःगु जूबलय् तत्काल थज्याःगु निर्णय कायेत नं चीधंगु दलतय्त समस्या जूगु खँ धाःगु दु ।

निर्वाचन आयोगं चुनावी कार्यक्रम तयार याःबलय् प्रत्यक्ष चुनाव ल्वाइपिं स्वयां नं न्हापां समानुपातिकं ल्वाइपिनि नां धलः निं बुझे यायेमाः धकाः प्रस्ताव याःगु खः । तर सत्तारुढ दल नेपाली कांग्रेस लगायत मेमेगु दलतय्सं समानुपातिकया नां निं न्हापां बुझे यायेमाः धइगु प्रावधानया विरोध यायेवं आयोगं थ्व कार्यक्रम हिउगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.