All for Joomla All for Webmasters

ने.सं. ११३६ यंलागा अष्टमी

माओवादी नेतायात खुकुरीं पाल

दोल्खाया स्थानीय माओवादी नेता राम ढुंगेलयात खुकुरीं पालाः घाःपाः याना बिउगु दु । कालिञ्चोक गाउँपालिकाया ३३ दँ दुम्ह ढुंगेलयात म्हिगः झोरुङ धाःगु थासय् वनाच्वंगु इलय् लिउनें वयाः स्थानीय देउता धाइम्ह खड्क बहादुर बुढाथोकीं खुकुरीं पाला बिउगु खः । खुकुरी प्रहारं घाःपाः जूम्ह ढुंगेलयात तुरुन्त वासः याकेत सदरमुकाम चरिकोट यंकूगु खःसा अन नं मजियाः हेलिकप्टरतय् तयाः येँय् हसें थनया नर्भिक अस्पतालय् भर्ना याःगु दु ।

वयागु अवस्था अझ नं चिन्ताजनक जुयाच्वंगु खँ धाःगु दु । बुढाथोकीं खुकुरी प्रहार याःगुया कारण सी मदुनि । अथे खःसां प्रहरीं पुलांगु हे छुं तंया कारणं खुकुरी प्रहार याःगु अनुमान याःगु दु । खुकुरीं पाःम्ह बुढाथोकीयात प्रहरीं ज्वनेधुंकूगु दु ।


भारतीय नागरिकयात गोली 

थ्वहे झ्वलय् पूर्व–पश्चिम राजमार्ग अन्तर्गत कञ्चनपुरया भीमदत्तनगर–गड्डाचौकी खण्डय् म्हिगः बहनी निम्ह भारतीय नागरिकयात गोलीं कयेकाः घाःपाः याना बिउगु दु । घाःपाः जूपिं भारतीय नागरिकत जगत सिंह चौहान व चन्द्रकिशोर सिंह निम्हं नेपाःया भूभागय् भारतं दयेकातःगु शारदा बाँधय् ज्या याइपिं कर्मचारीत खः ।

उपिं चान्हय् क्याशिनो म्हिताः लिहां वयाच्वंगु इलय् उमित गोलीं कयेकूगु खः । घाःपाः जूपिंत वनवासाय् वासः याकाः थौं लित हःगु दु । उमित गोलीं कयेकूपिं धाःसा निम्हं नेपाःमि खः । उमित प्रहरीं ज्वने धुंकूगु दु । उमिसं लुटपाट यायेगु नियतं गोलीं कयेकूगु अनुमान याःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.