All for Joomla All for Webmasters

ने.सं. ११३६ यंलागा अष्टमी

१२ क्वःगु अनसन अन्तिमय् स्थगित

डा. गोविन्द केसीं म्हिगः च्वनेगु धकाः तयारी हे यायेधुंकूगु थःगु १२ क्वःगु अनसन अन्तिमय् वयाः स्थगित यानादिल । वय्कलं नेशनल कलेजया सम्बन्धन खारेज हे यायेमाः धइगु माग यासें आमरण अनसनया तयारी यानादीगु खः । थ्व तयारी जुयाच्वँच्वं हे त्रिविविं नेशनल कलेजया सम्बन्धन खारेज याःगु समाचार पिहां वयेवं वय्कलं अनसन स्थगित यानादीगु खः । 

त्रिविविपाखें सम्बन्धन खारेज यानागु जुल धकाः यानातःगु निर्णयया कपि हे वय्कःयात क्यनाः तिनि वय्कलं अनसन स्थगित यानादीगु खँ सीदुगु दु ।
वय्कलं स्थगन खारेजीयात लसकुस यानादीगु दु । लिसें थःपिंसं तयागु मेमेगु माग नं पूरा जुइगु लँपुइ वनाच्वंगु खँय् सन्तोष प्वंकादीगु दु । यदि थुपिं माग पूरा यायेगु सवालय् आलटाल यात धाःसा थम्हं हानं अनसन च्वनेगु खँ नं वय्कलं कनादीगु दु ।

वय्कलं थौं छगू विज्ञप्ति जारी यासें आः थम्हं च्वनेगु अनसनय् जग्गा न्यायेगु ज्याय् करोडौं तकाया घोटाला याःम्ह आयल निगमया कार्यकारी निर्देशक गोपाल खड्कायात समेत कारवाहीया माग यायेगु खँ कनादीगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.