All for Joomla All for Webmasters

ने.सं. ११३६ यंलागा अष्टमी

महाकविया १५० दँ तःजिक न्यायेकीगु

महाकवि सिद्धिदास महाजुया १५० दँ बुन्हि कन्हय् थीथी थासय् थीथी ज्याझ्वः यासें हनीगु जूगु दु । थ्व झ्वलय् कन्हय् नेपालभाषा मंकाः खलकं दँय्दसं थें सुथय् ५ बजे थनया केलत्वालय् मुनाः नसंचा उलीगु ज्याझ्वः दु । कन्हय् हे न्हिनय् २.३० बजे मंकाः खलः व नेपाल प्रज्ञा प्रतिष्ठानया मंकाः ग्वसालय् एकेदमिया हलय् छन्द कविता वाचन ज्याझ्वः जुइ ।

कन्हय् हे सनिलय् सिद्धिदास स्मृति समाजं छगू मैनमत ¥याली पिकयाः सिद्धिदासयात लुमंकीगु जूगुु दु । सनिलय् शान्तिबाटिकास्थित सिद्धिदासया झ्वाताय् मुनाः अनं तुं मैनमत ¥याली पिकयाः कुमारी चाःहिलीगु लागा चाःहिलाः हानं अन हे वयाः क्वचायेकेगु ग्वसाः यानातःगु दु । मेखे कन्हय् ख्वपय् सिद्धिदास प्रतिष्ठानपाखें नं सुथय् ५ बजे नसंचा उलेगु ज्याझ्वः दयेकूगु दु । ख्वपया इनाच्वय् मुनाः थ्व नसंचा शुरु जुइगु खँ धाःगु दु ।

प्रतिष्ठानपाखें कन्हय् न्हिनय् धाःसा सिद्धिदास बारे छगू वृहत् गोष्ठी याइगु जूगु दु । राममन्दिरया तलेजु ब्यांक्वेटय् जुइगु उगु गोष्ठीइ सिद्धिदासया कृतित्व व व्यक्तित्व बारे थीथी ज्यापौ न्ह्यब्वइगु ग्वसाः दु । थ्वहे लसताय् म्हिगः नेपालभाषा मंकाः खलःया ग्वसालय् स्कूलया मस्तय्त छन्द बारे प्रशिक्षण बीगु ज्याझ्वः जुल । डा. चुन्दा वज्राचार्य व रामकृष्ण दुवालपिंसं थ्व प्रशिक्षण बियादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.