All for Joomla All for Webmasters

ने.सं. ११३६ यंलागा अष्टमी

उपप्रम महरा चीनपाखे

चीन व भारत दथुइ तनाव ब्वलनी कथं पिहां वःगु दोक्लम विवाद समाधान जुइवं उपप्रधान लिसें परराष्ट्र मन्त्री कृष्णबहादुर महरा थौं चीन भ्रमणय् झाःगु दु ।
वय्कलं अन थः समकक्षी लिसें चीनया प्रधानमन्त्री खछियानयात नं नापलाइगु ग्वसाः दु । वय्कलं प्रधानमन्त्री शेरबहादुर देउवाया चीन भ्रमणया मिति नं मिले यायेत कुतः याइगु खँ धाःगु दु ।

यदि ई मिले जुल धाःसा प्रम देउवा मेगु लाय् अमेरिका वनाखतं चीनया भ्रमण नं यानाः लिहां वयेगु ग्वसाः जुयाच्वंगु खँ सीदुगु दु । उपप्रम महराया थ्व भ्रमण उकुन्हु हे जुइ माःगु खः । तर भारतलिसे कडा तनावय् लानाच्वंगु जुयाः चीनं थुखे ध्यान मतःगु खःसा नेपालं नं अज्याःगु इलय् चीन वनेगु पाय्छि जुइ मखु धकाः भ्रमण लिछ्यानाच्वंगु खँ धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.