All for Joomla All for Webmasters

ने.सं. ११३६ यंलागा अष्टमी

थनिंनिसें येँयाः सुरु

 दँय्दसं थें ञलाथ्व द्वादशिकुन्हु थनीगु यःसिं थौं सुथय् साइट कथं सवा ८ बजे हनुमानध्वाखाय् थन । थुकिया लिसें थुगुसीया येँयाः सुरु जूगु दु । गुरुजुया पल्टनपाखें तोप मुइक यःसिं थनेगु सुरु जूगु खः । यःसिं थंगु स्वयेत द्वलंद्वः स्वकुमित हनुमानध्वाखा जःखः मुंगु खः । यःसिं थंगु इलय् किलाघःया दीप्याखं नं हुइकूगु खः । आः वइगु भाद्र २५ गते नानिचायाः क्वचायेकाः बहनी १० बजे उगु यःसिं क्वथलीसा थुकिया लिसें थुगुसीया येँयाः क्वचाइ । 

थौं येँय् थः मदुपिं छेँजःपिनि लुमन्तिइ उपाकु वनेगु धकाः थाय्थासय् मत बियाः वनी । थनिंनिसें हे लाखे, पुलुकिसि, सवभक्कु नं पिहां वइ ।अथेहे ख्वपय् नं येँयाःया झ्वलय् थाय्थासय् यम्बाःद्यः थंगु दु । येँयाः सुरु यायेत येँय् स्वीखुकु हाकःगु यःसिं थनिगु खःसां ख्वपय् धाःसा थीथी थासय् चिचिहाकःगु यःसिं थनि । ख्वपय् थनीगु यःसिंयात यम्बोद्यः नं धाइ । यम्बोद्यःयात स्वर्गया जुजु इन्द्रया काय जयन्तया प्रतीक कथं कयातःगु दु । ख्वपया इताछेँ, तेखापुखू, वंशगोपाल, नासमना, बुलुचा, साकोठा, भोलाछेँ, सुजम्हरी, खौमा, इताछेँ लिसें थीथी थासय् यम्बाःद्यः थंगु खः । ख्वपय् नं च्यान्हुयंकं येँयाः हनी ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.