All for Joomla All for Webmasters

ने.सं. ११३६ यंलागा अष्टमी

नेवाः देय् दबूया नीस्वदँ बुन्हि

नेवाः देय् दबूया नीस्वक्वःगु बुदिं म्हिगः नेपाः बैंक्वेटय् रक्षामन्त्री भीमसेनदास प्रधानया मू पाहांसुइ हन । ज्याझ्वलय् वय्कलं १५० क्वः हिदान यानादीम्ह हिदाता प्रेमसागर कर्माचार्य लगायत थीथी ब्यक्तित्वतय्त हनेज्या यानादिल । ज्याझ्वलय् न्ववासें वय्कलं आः नेपाल संवत्यात राष्ट्रिय संवत् कथं प्रचार यायेत न्हूदँ समारोह समितिइ गैर नेवाःयात अध्यक्ष दयेकेमाःगु खँ न्ह्यब्वयादिल ।

नेवाः देय् दबूया नायः नरेश ताम्रकारया सभापतित्वय् जूगु समारोहय् नेवाः न्ह्यलुवापिं तीर्थराम डंगोल, डा. महेशमान श्रेष्ठ, नेपाः राष्ट्रिय पार्टीया नायः डा. विजय सैंजू, नेपालभाषा केन्द्रीय विभागया प्रमुख प्रा. डा. चन्द्रमान श्रेष्ठ, हिदाता प्रेमसागर कर्माचार्यं नं न्ववानादीगु खः ।

लोककवि राजभाई जकःमिं चित्तधर हृदय बारे कविता न्यंकादीगु उगु ज्याझ्वलय् देय् दबूया मध्यमाञ्चल न्वकु चन्द्रमान राजभण्डारीं लसकुस यानादीगु खःसा उपप्रधानमन्त्री तथा शिक्षामन्त्री गोपालमान श्रेष्ठया भिंतुना पौ ब्वनेगु व जगतसुन्दर ब्वनेकुथिया थीथी हुलाप्याखं न्ह्यब्ययेगु ज्या नं जूगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.