All for Joomla All for Webmasters

ने.सं. ११३६ यंलागा अष्टमी

नेपाः पार्टीया न्हूम्ह नायः डा. विजय सैंजू

नेपाः राष्ट्रिय पार्टीया न्हूम्ह नायः कथं डा. विजय प्रकाश सैंजू ल्यःगु दु । म्हिगः जूगु पार्टीया निक्वःगु तःमुँज्यां डा. सैंजूयात पार्टीया निम्हम्ह नायः ल्यःगु खः । थ्व स्वयां न्ह्यः वय्कः पार्टीया महासचिव जुया च्वनादीम्ह खः । अथे हे निवर्तमान का.वा. नायः सुवर्णकेशरी चित्रकारयात पार्टीया वरिष्ठ नेता कथं ल्यःगु दु । लिसें मेपिं ४३ म्ह केन्द्रीय दुजःत नं ल्यःगु दु ।

पार्टीया थीथी पदय् च्वनीपिनि पद विभाजन धाःसा थौं च्वनीगु न्हापांगु केन्द्रीय कमिटीया बैठकं याइगु खँ धाःगु दु । पार्टीया निक्वःगु तःमुँज्या म्हिगः शताब्दी पुरुष सत्यमोहन जोशीं उलेज्या यासें न्ह्याःगु खः । ज्याझ्वलय् न्ववासें वय्कलं निम्ह जक मनू दत्तले नं नेपाः पार्टीयात दिके मजिउ धयादिल ।

ज्याझ्वलय् जनकवि दुर्गालाल श्रेष्ठ, नरेश ताम्रकार, डा. महेशमान श्रेष्ठ, राजभाइ जकःमि, निरंजन ताम्रकार, प्रेमबहादुर खातीपिंसं भिंतुना न्वचु बियादीगु खः ।नेपाः पार्टीं आः राज्य पुनसंरचना आयोगं तयार याःगु झिंछगू प्रदेश दुगु खाकायात हे थःपिनि न्हूगु अवधारणा दयेकेगु निर्णय नं याःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.