All for Joomla All for Webmasters

ने.सं. ११३६ यंलागा अष्टमी

फुक्क हे राजमार्ग ठप्प

खुसिबाः वयाः गनं लँ हे चुइका यंकूगु व गनं चलः वंगु कारणं देय्या फुक्क धइगु राजमार्ग ठप्प जूवंगु दु । थौं सुथय् पृथ्वी राजमार्गया आँबु खैरनीइ चलः वनाः अन लँ बन्द जूगु दु । नारायण–मुग्लिन खण्डया लँय् ला झन् हे अप्वः थासय् ल्वहं कुतुं वयाः लँ बन्द जुयाच्वंगु दु ।

अथे हे पाल्पा वनेगु सिद्धार्थ राजमार्गय् थौं चलः वनाः उगु लँ नं बन्द जूगु दु । उखे बर्दघाट दाउन्नेय् चलः वनाः थ्व लँ नं बन्द जूगु दुसा धौख्यः जुयाः चले जुइगु वीपी राजमार्गय् नं लःया ढिक्का हे कुतुं वनाः यातायात ठप्प जूगु दु । लँ बन्द जूगु लागाय् ताःहाकः हे गाडीया लाइन जुयाच्वंगु दु ।

मेखे खुसिबालं स्वनिगः दुने नं आपालं थासय् खुसिबाः वयाः नोक्सान याना बिउगु दु । यलया लुभुइ कलेज भवन दुने हे लः दुहां वःगु दुसा येँ व ख्वपय् नं खुसि सिथय् लःया मात्रा अप्वयाः सिथय् च्वंपिं मनूत त्राहिमाम जुयाः च्वनाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.