All for Joomla All for Webmasters

ने.सं. ११३६ यंलागा अष्टमी

थेच्वय् नीक्वःगु मतयाः क्वचाल

भुखाय् लिपाया पुनर्निर्माणय् राज्यया बेवास्ता, सडक विस्तारं स्थानीयया स्याःचाः, भ्रष्टाचार, अनियन्त्रित बेसाःभाःलिसेंया ध्याचू न्ह्यब्वसें थेच्वमिपिंसं नीक्वःगु मतयाः न्ह्यइपुक्क हंगु दु ।परम्परागत रुपं थेच्वया बहाःबहि चाःहिलेगु लिसें न्ह्यइपुक्क ख्यालः न्ह्यब्वसें थेच्वमिपिंसं थुगुसी नं मतयाःयात निरन्तरता बिउगु खः । बहाःबहित चाःहिलेगु लिसें स्थानीयं स्थानीय द्यःपिंथाय् मत च्याकाः अन्न, सिसाबुसा नं छाःगु खः ।

उगु झ्वलय् स्थानीय बाजं खलकं बाजं नं थानाः जात्राय् ब्वति काःगु खः ।व धुंकाः बहनी सांस्कृतिक लिसें समापन ज्याझ्वःया नं ग्वसाः ग्वःगु खः । समापन समारोहस मालिगां दाफा खलपाखें जात्राय् ब्वति काःगु दक्वं दाफा खलःलिसें थीथी झाँकी न्ह्यब्वःपिंत मतिनाया चिं नं देछाःगु खः ।

उगु हे ज्याझ्वलय् जात्राय् ग्वाहालि याःपिं सञ्चारकःमि अले संचार संस्थायात नं मतिनाया चिं देछासें हंगु खः ।समापन समारोहस मू पाहां गोदावरि नगरपालिकाया मेयर गजेन्द्र महर्जनं मतयाः धयागु थेचोया म्हसिका हे जुइधुंकूगु धयादिल । निगू दशक न्ह्यःनिसें थेचोय् न्यायेकेगु याःगु थुगु जात्राया निरन्तरताया लागिं थम्हं विशेष ग्वाहालि बीगु प्रतिवद्धता नं मेयर महर्जनं प्वंकादिल ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.