All for Joomla All for Webmasters

ने.सं. ११३६ यंलागा अष्टमी

गोटीहवाया ऐतिहासिक स्तम्भ लखय्

स्वनिगःया सतकय् गाः जुयाच्वंगु थासय् लः जायाः मस्त कुतुं वन धकाः चर्चा जुयाच्वंगु हे इलय् उखे लुम्बिनी लागाय् च्वंगु ऐतिहासिक गोटिहवाया अशोक स्तम्भ नं लखय् डुबे जुयाः नष्ट जुजुं वनाच्वंगु लूगु दु । गोटीहवाय् क्रकुछन्द बुद्धया जन्म जूगु खः धकाः माने याना तःगु दु । उकिं थ्व स्तम्भ नं थ्वलिसे हे सम्बन्धित जुयाः ऐतिहासिक महत्वं जाःगु खयेमाः धकाः अनुमान यानातःगु दु ।

तर संरक्षणया अभावं यानाः न्ह्याबलें नं वा वइगु मौसमय् थ्व शिलास्तम्भ लखय् डुबे जुयाः वेवारिस जुइगु जुयाच्वंगु दु । थौंकन्हय् नं थ्व स्तम्भ च्वय् च्वका छकूचा जक खने दयेक पूवंक लखय् डुबे जुयाच्वंगु दु । थ्व स्तम्भ लुम्बिनीया अशोकस्तभ आकारयागु हे जूसां च्वका धाःसा तज्यानाः क्षतिग्रस्त जुयाच्वंगु दु । थ्व च्वका गबले टुक्रा जूगु धइगु खँ धाःसा सीमदुनि । सन् १८५५ य् अन थ्व स्तम्भ लुइकूगु खः ।

थ्व स्तम्भ लगायत उगु पूरा लागाया सुरक्षाया लागिं अनया वस्ती हे चीकेमाःगु प्रस्ताव नं वयाच्वंगु दु । उकिया लागिं बजेट समेत व्यवस्था जुयाच्वंगु दु । तर स्थानीय जनतायात अनं चीकाः गन यंकेगु धइगु समस्या दु । थ्व स्तम्भयात स्थानीय जनतां पुजाआजा नं याइगु चलन दु । उकिं नं वस्ती चीकेगु अःपुगु ज्या मजुइगु खँ धाःगु दु । स्तम्भ सुरक्षाया लागिं बारं घेरे यानातःसां लखं धाःसा थुकियात क्षति यानाच्वंगु खँ धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.