All for Joomla All for Webmasters

ने.सं. ११३६ यंलागा अष्टमी

थनिंनिसें टिचिङया बहिरंग सेवा ठप्प

चिकित्सा शिक्षा सुधारया माग यासें आमरण अनसन च्वनादीम्ह डा. गोविन्द केसीया समर्थनय् टिचिङ अस्पतालया डाक्टरतय्सं थनिंनिसें पठनपाठन व बहिरंग सेवा बन्द याना बिउगु दु । यदि सरकारं डा. केसीया मागयात वेवास्ता यात धाःसा अपरेशनया ज्या नं बन्द यायेगु ख्याच्वः उमिसं बिउगु दु ।सेवा बन्द जूगुलिं वासः याकः वःपिं विरामीतय्त मर्का जूगु दु ।

डा. केसीया थ्व झिंछक्वःगु अनसन खः । वय्कः थुगुसी अनसन च्वनादीगु थौं झिन्हु दत । थ्वया दथुइ वय्कःया सहयोगी पुचः व सरकारया दथुइ म्हिगः जूगु न्यागूगु चरणया वार्ता नं असफल जूगु दु । थौं नं वार्ताया लागिं सःता तःगु दुसां सफल जुइगु सम्भावना धाःसा तसकं म्हो जक दुगु खँ धाःगु दु । थौंकन्हय् सदनय् पेश जुयाच्वंगु चिकित्सा शिक्षा सम्बन्धी विधेयकय् हे डा. केसीं न्ह्यसः थनेवं वार्ता अवरुद्ध जूगु खः ।

सरकारं थ्व विधेयक आः पेश यानाः पारित यायेगु तयारी हे जुइधुंकूगु कारणं डा. केसी अनसन मच्वंसां जिउ धइगु खँ न्ह्यःने तयाच्वंगु दु । तर डा. केसीं धाःसा विधेयक पारित जुइगु खँय् हे शंका यानादीगु दु । वास्तवय् चिकित्सा शिक्षायात सुधार यायेगु पक्षय् वर्तमान सरकार तकं मदुगु द्वपं वय्कलं बियादीगु दु । वय्कः– लिसे म्हिगः वार्ता याःगु सरकारी वार्ता पुचलं डा. केसीं ल्ह्वनाच्वंगु गुलिखे खँ सरकार याकःचां धयां जक पूवंके मफइगु बिचाः समेत न्ह्यःने तःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.