All for Joomla All for Webmasters

ने.सं. ११३६ यंलागा अष्टमी

सरितायात ग्वाहालिया ल्हाः

सरितायात ग्वाहालिया ल्हाः lahana media

लछि न्ह्यः नेपालय् हे निक्वःखुसी जूगु स्यँे (लिभर) प्रत्यारोपण लिपा आर्थिक संकटय् लाःम्ह मय्जु सरिता महर्जनयात आः थीथी थासं ग्वाहालि चूलाकेगु ज्या जूगु दु । लछि न्ह्यः वय्कलं ख्वपया मानव अंग प्रत्यारोपण केन्द्रय् थः अबुयात थःगु स्येँ ध्यनाः दान यानादीगु खः । तर थ्वयां लिपा आर्थिक संकटय् लाःम्ह वय्कःया बारे नेपालभाषा टाइम्स, मेट्रो एफ.एम. व नेपालमण्डल टेलिभिजनय् समाचार व अन्तर्वार्ता प्रसारण जुइवं वय्कःयात ग्वाहालि याइपिं न्ह्यचिउ वःगु खः ।

वय्कःयात आः नेपाःया थीथी लागा लगायत अमेरिका, कोरिया व मलेशियाय् च्वंपिं नेपाःमितय्सं तकं दां ग्वाहालि चूलाकूगु खः । थ्वहे झ्वलय् म्हिगः न्हापांगु किस्ता कथं मेट्रो एफ. एम.या ज्याझ्वः न्ह्याकामि श्रीकृष्ण महर्जनं ख्वपय् वयाः सरितायात ९४,९७५ तका दां लःल्हानादीगु खः ।

अथे हे किपूया लक्ष्मीबहादुर महर्जन लगायतं मुंकूगु ४१ हजार व नेपालमण्डल टेलिभिजनय् मुंकूगु ५३,९७५ तका दां नं म्हिगः वय्कःपिं बालं च्वनाच्वंगु थाय् सूर्यविनायक नगरपालिका काँल्हाचाय् वनाः लःल्हाःगु खः । अथे हे भाषासेवी सुरेशमान डंगोल व वय्कःया पासापिं जानाः मुंकूगु १ लाख ३२ द्वः दां नं लःल्हाःगु दु । आः वय्कःपिनि स्वास्थ्य सुधार जुयाच्वंगु खँ धाःगु दु । जलस्येँ (किड्नी) या विरामी जुयादीम्ह मांया धाःसा वालय् निक्वः डायलासिस जुयाच्वंगु दनि ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.