All for Joomla All for Webmasters

ने.सं. ११३६ यंलागा अष्टमी

प्यन्हुं हे खराब जुल डा. केसीया स्वास्थ्य

थुगुसी ११ क्वःगु अनसन च्वनादीम्ह डा. गोविन्द केसीया स्वास्थ्य प्यन्हुं हे स्यनेगु शुरु जूगु दु । वय्कः अनसन च्वनादीगु थनिं न्यान्हु दत । तर वय्कःया स्वास्थ्य धाःसा म्हिगःनिसें हे खराब जुइधुंकूगु खँ चिकित्सकतय्सं धाःगु दु । उकिं टिचिङ अस्पतालंनिसें वय्कःया स्वास्थ्ययात गम्भीर निगरानी शुरु याःगु दु ।

वय्कःया स्वास्थ्यया निगरानी यायेगु लागिं न्हय्म्ह डाक्टर दुथ्याःगु छगू पुचः नं गठन याःगु दु । वय्कःया म्हय् लः मगानाः स्वास्थ्यय् खराबी खने दया वःगुलिं अस्पतालं थ्व पलाः ल्ह्वंगु खः । थ्व स्वयां न्ह्यः डा. केसी लगातार २२ न्हु तक अनसन च्वनादीगु दु ।
थ्वहे झ्वलय् डा. केसीया मागयात कयाः थौं सरकारं वय्कःलिसे वार्ता याइगु जूगु दु ।

थौं न्हिनय् डा. केसीया अभियानय् सहभागी पुचः व सरकारया प्रतिनिधि दथुइ वार्ता यायेगु निर्णय जूगु खः । डा. केसीं आः न्हापा थें आश्वासन जक कयाः अनसन त्वाःमथलेगु खँ कनादीगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.