All for Joomla All for Webmasters

ने.सं. ११३६ यंलागा अष्टमी

अमेरिकाया न्यूयोर्कय् मंकाः इहि मुना

अमेरिकाया न्यूयोर्क सहरय् च्वंपिं नेवाःतय् संगठन नेवाः नखः न्यूयोर्कया ग्वसालय् आः नकतिनि छगू इहि ज्याझ्वः जूगु दु । वंगु दिल्लाथ्व पुन्हिकुन्हु न्यूयोर्कया शेर्पा किडुग हलय् जूगु इहि ज्याझ्वलय् मुक्कं गुम्ह मिसामस्तय्त इहि यायेगु ज्या जूगु खः । अमेरिकाया बोस्टन, भर्जिनिया, न्यूजर्सी, मेरील्याण्ड, डेलावेर स्टेटय् च्वंपिं मिसातय्त इहि याःगु खः ।

इहि ज्याझ्वलय् बोस्टनय् च्वँच्वनादीम्ह समन्तश्री वज्राचार्य व पुष्पा वज्राचार्यं लसकुस यासें न्ह्याःगु ज्याझ्वलय् संस्थाया नि. नायः राजा शाक्यं सकल पाहांपिंत लसकुस यासें नेवाः भाय् व तजिलजि थःथःगु छेँय् नं छ्यलेत इनाप यानादीगु खः ।संस्थाया छ्यांजे डा. नरेशमान शाक्यं न्ह्याकादीगु ज्याझ्वलय् मूछ्यांजे महेन्द्रवीर वज्राचार्यं संस्थाया गतिविधि बारे जानकारी बियादीगु खःसा सल्लाहकार अजयमान छोचुं नं इहि संस्कारया बारे कुलादीगु खः ।

अथे हे संस्थाया न्वकु विष्णुमान प्रधानं सुभाय् देछानादीगु खः । इहि ज्याझ्वः ताःलाकेत रमेश नकर्मी, दिपक कुमार प्रधान, देवेन्द्र वज्राचार्य, सुजन श्रेष्ठ, सुमन कर्माचार्य, सुनित श्रेष्ठ, निकेश महर्जन, उमेश श्रेष्ठ व मिल्लेनियम श्रेष्ठनापं थीथी थासं ग्वाहालि यानादीगु खः ।नेवाः नखः न्यूयोर्क सन् २०११ य् स्थापना जूगु खः ।

संस्थाया नि. नायः राजा शाक्य, न्वकु विष्णुमान प्रधान, मूछयांजे महेन्द्रवीर वज्राचार्य, छ्यांजे डा. नरेशमान शाक्य व मनोजकुमार महर्जन, खःसा दुजःपिं रमेश नकःमि, किरण शाक्य, नम्रता प्रधान, मिना श्रेष्ठ, प्रज्वल प्रधान, बिमला श्रेष्ठ, संगिता मुखिया छोंचू, सुजन श्रेष्ठ, देबेन्द्र वज्राचार्य व संजन प्रधान खः । अमेरिकाया न्यूयोर्क सहरय् च्वनाः नं थःगु भाषा, कला, संस्कृतिया संरक्षण, संवद्र्धन यायेगु निंतिं उगु संस्थाया गठन याःगु खः ।

संस्थां नेवाः समुदायया हितयालिसें नेवाः नखःचखः, तजिलजिया च्वन्ह्याकेगु व उकिया बारे जानकारी बीगु ल्याखं म्हपुजा यायेगु नापं हिदान यायेगु व क्यालेन्डर पिथना वयाच्वंगु दु । संस्थायात ग्वाहालि यायेगु ल्याखं छगू मिसा पुचः नं गठन यानातःगु दु । मिसा पुचलय् नम्रता प्रधान, बिमला श्रेष्ठ, संगीता छोचूं, श्रुति अमात्य, अनिता बज्राचार्य, श्रीकमल शाक्य, उजिला प्रधान, लघु शाक्य, मोहिनी कर्माचार्य, कमला प्रधान व पद्मा प्रधानपिं दुथ्याः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.