All for Joomla All for Webmasters

ने.सं. ११३६ यंलागा अष्टमी

मनपाया नेवाः मिसा वडा दुजःपिंत हना

नेवाः मिसा दबू येँ महानगर समितिया ग्वसालय् येँ मनपाय् त्याना वःपिं नेवाः मिसा वडा सदस्यपिंत हनेज्या जुल । मिसा दबू यँे महानगर समितिया नायः दिल्ली मैंया सिंया सभापतित्व व नेवाः मिसा केन्द्रीय समितिया नायः रश्मिला प्रजापति मू पाहां झाःगु उगु ज्याझ्वलय् येँ मनपाया वडा १ निसें २७ तकया १२ म्ह नेवाः मिसा वडा सदस्यपिंत ख्यें सगं बियाः हंगु खः ।

ज्याझ्वलय् वडा ५ या मैंयालक्ष्मी महर्जन, १८ या रचना शर्मा, १९ या रेणु कमल शाही व २३ या चन्द्रदेवी मानन्धरपिंसं न्ववानादीगु खः । नेवाः मिसा दबूया नायः रश्मिला प्रजापतिं नेवाः मिसातय्गु सर्बाङ्गीन बिकासया लागिं निवार्चित नेवाः मिसा सदस्यपिं व नेवाः मिसा दबू मिले जुयाः ज्या यायेत इनाप यानादिल । नेवाः मिसातय्त संगठित यासें देयया मूलधारय् नेवाः मिसातय् ब्वति अप्वयेकेगु आज्जुं ने.स.११३७ कछलाय् नीस्वंगु नेवाः मिसा दबू आःतक २१ जिल्ला व १५ नगर समिति दयेधुंकूगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.