All for Joomla All for Webmasters

ने.सं. ११३६ यंलागा अष्टमी

मलेशियाय् नेपाःमित द्यनाच्वँच्वं हे छाय् सी ?

मलेशियाय् वैदेशिक रोजगारीया लागिं वनीपिं नेपाःमित छुंतां म्वायेक सिनाच्वंगु बारे अध्ययन यायेगु ज्या शुरु जूगु दु । नेपालं वंपिं डाक्टरतय् पुचलं मलेशियाया थीथी संस्था व व्यक्तिलिसे स्वापू तयाः थुकिया कारण पत्ता लगेत कुतः याःगु खः ।


वंगु छुं ई थुखे मलेशियाय् ज्या याः वनाच्वंपिं नेपाःमित द्यनाच्वँच्वं हे सीगु घटना तसकं अप्वयाच्वंगु दु । मलेशियाय् थौंकन्हय् न्हिं छम्ह नेपाःमि सीगु जुयाच्वंगु दु । उकी मध्ये अप्वः यानाः द्यनाच्वँच्वं हे सीगु खः । थथे द्यनाच्वँच्वं हे छाय् सीगु जुयाच्वन धकाः पत्ता लगे यायेगु ताः तयाः थ्व अध्ययन याःगु खः । थथे द्यनाच्वँच्वं हे सीगु घटनाया लिउने तसकं गम्भीर स्वास्थ्य समस्या सुलाच्वंगु दयेमाः धकाः नं आशंका याःगु दु ।

डाक्टरतय् पुचलं म्हिगः अनया थीथी नेपाली संघ संस्थाया पदाधिकारीत लिसे अन्तक्र्रिया याःगु खः । नेपाःमितय्सं थज्याःगु घटना जुइगुया लिउने ज्यामित च्वनेगु थाय् व्यवस्थित मजुइगु, मजिउगु नइगु, दंगु अय्लाः त्वनीगु, लः कम च्वनीगु, ताः ई तक ज्या याइगु, थःगु स्वास्थ्य बारे पटक्क हे ध्यान मबीगु आदि कारण दयेमाः धकाः अनुमान याःगु दु ।

थ्व डाक्टरतय् पुचलं अथे सीपिं नेपाःमितय् पोष्ट मार्टम याइपिं डाक्टरत नं नापलानाः सहलह ब्याकीगु खँ दु । लिसें ज्यामित च्वनीगु थाय्, उमिगु आनाबानी आदिया बारे नं अध्ययन याइगु खँ दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.