All for Joomla All for Webmasters

ने.सं. ११३६ यंलागा अष्टमी

न्हापांगु उत्तर अमेरिकी महादेश नेवाः मुँज्या जुइगु

ने.सं. ११३७ दिल्लाथ्व ११, बुधवाः

उत्तर अमेरिका महादेशन्यंकं च्वनाच्वंपिं नेवाःतय् न्हापांगु मुँज्या जुइगु जूगु दु । थ्व हे वइगु सेप्टेम्बर १ निसें ३ तक स्वन्हुयंकं जुइगु उगु मुँज्या क्यानडाया ब्राम्पटनय् जुइ ।

विश्वन्यंकं च्वनाच्वंपिं नेवाःतय् अन्तर्राष्ट्रिय संगठन वल्र्ड नेवाः अर्गनाइजेसनया उद्देश्य पूवंकेगु नापं थ्वनाप आवद्ध संघसंस्थायात सक्रिय यायेगु तातुनाः जुइत्यंगु उत्तर अमेरिकी महादेशन्यंकंया नेवाःतय् मुँज्या क्यानेडियन नेवाः गुथिया सक्रियता व नेवाः कल्चरल सोसाइटी अफ अल्बर्टाया ग्वाहालिं जुइत्यंगु खः ।
मुँज्याय् उत्तर अमेरिका महादेश नापं मेमेगु थीथी क्षेत्रया विद्वान्, संघसंस्थाया प्रतिनिधि व मेमेपिं नापं यानाः निसलं मल्याक प्रतिनिधितय्सं ब्वति काइगु जुयाच्वंगु दु ।

उत्तर अमेरिका महादेश नापं मेमेगु थासय् च्वनाच्वंपिं नेवाःतय्त छगू हे थासय् मुंकाः नेवाः संस्कृति, परम्परा, भाषाया संरक्षण मू उद्देश्य ज्वनाः नेवाः एकताया सन्देश बीकथं उगु मुँज्या केन्द्रीत जुइगु आशा यानातःगु दु ।

स्वन्हुयंकंया उगु ज्याझ्वःकथं न्हापांगु न्हि उलेज्याझ्वः, वयां लिपा थीथी विद्वानतय्पाखें ज्यापौ न्ह्यब्वयेगु व उकियात कयाः सहलह यायेगु, निन्हुया न्हिकुन्हु कार्य योजना दयेकाः सहलह लिपा उकियात पारित यायेगु व मुँज्याया दकलय् लिपांगु न्हि नेवाः परम्पराकथं समय्बजि व झ्वःभ्वय् नयेगु नापं नेपाःया संस्कृति पिज्वइकथंया सांस्कृतिक ज्याझ्वः न्ह्यब्वइगु जुयाच्वंगु दु ।

लुमंकेबहजू, विश्वन्यंकंया नेवाःतय्त छप्पँ यायेगु तातुनाः नीस्वंगु विश्व नेवाः संगठन (वल्र्ड नेवाः अर्गनाइजेसन)या न्हापांगु अधिवेशन सन् २०११ य् लन्दनय् व निक्वःगु अधिवेशन सन् २०१६ य् अमेरिकाया बाल्टिमोरय् जूगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.