All for Joomla All for Webmasters

ने.सं. ११३६ यंलागा अष्टमी

दीपायलय् २० पाः मतपत्र गायब !

दीपायल सिलगढी नगरपालिकाय् ल्याः खानाच्वंगु मतपत्र गायब जुइवं गणना दिके माःगु अवस्था वःगु दु । उगु नगरपालिकाया वडा १ निसें ८ तक ल्याः खायेधुंकूगु खः । ९ वडाया गणना धाःसा दिउगु दु । उगु वडाया स्वंगू बुथया २० पाः मतपत्र गायब जुसेंलि गणना स्थगित यायेमाःगु खँ मुख्य निर्वाचन अधिकृत नरनारायण पौडेलं कनादिल ।

उगु वडाय् मुक्कं १०८८ मत कुतुं वंगु खः । उकी मध्ये २० पाः मतपत्र तनाच्वंगु खँ निर्वाचन अधिकृतया कार्यालयं धाःगु दु । वडा नं. ८ तकया मत ल्याः खाःबलय् नेपाली काँग्रेसया उम्मेदवार विजय खड्का (बाजीं) ३८५७ व उपप्रमुखया प्रोसिस महरां ३७८३ मत काःगु खः । अथे हे एमालेया उम्मेदवार मन्जु मलासीं ३८७२ मत व उपप्रमुखय् शिवराज खड्कां ४०४६ मत काःगु खः ।

धरानय् ४ घन्टागणना स्थगित
सुनसरी जिल्लाया धरान उपमहानगरपालिकाय् स्थगित जूगु मतगणना हानं शुरु जूगु दु । मतगणनायात एमालेया कार्यकर्तातय्सं थः यकःति याना यंकल धासें कांग्रेस कार्यकर्तातय्सं गणना बहिष्कार यायेवं मत ल्याः खायेगु ज्या स्थगित जूगु खः ।
मतगणनास्थलयात व्यवस्थित मयाःगु कारणं अन एमाले कार्यकर्तातय्सं हय्भुनाः गणनास्थल हे थःगु थें याना काःगुलिं कांग्रेस कार्यकर्तातय्सं विरोध याःगु खः ।

उमिसं गणनास्थल त्वःता वनेवं हानं सर्वदलीय बैठक च्वनाः स्थलयात व्यवस्थित यायेगु सहमति लिपा हानं गणना शुरु जूगु खः । थुकिं यानाः अन प्यघौ मत ल्याः खायेगु बन्द जूगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.