All for Joomla All for Webmasters

ने.सं. ११३६ यंलागा अष्टमी

लसताया नापनापं शोक !

कपिलवस्तुया वाणगंगा नगरपालिका वडा नं. ११ या वडा अध्यक्षय् त्याःम्ह माओवादी उम्मेदवार सोमनाथ अर्याल ख्वये ला न्हिले लाया अवस्थाय् लाःगु दु । थौं मतगणना क्वचायेकाः वडा अध्यक्ष विजयी घोषणा जूम्ह अर्यालया नकतिनि स्वला दुम्ह काय म्हिगः मदुगुलिं ख्वये ला न्हिले लाया अवस्थाय् लाःगु खः ।

छखे वडाध्यक्षय् त्याःगु लसता दुसा मेखे काय मदुगु दुःख । ‘स्तब्ध दु, काययात छुं मजूगु जूसा गुलि लय्ताइगु जुइ’ मिखाय् जायेक ख्वबि तयाः विजयी घोषणा जूगु न्यनाच्वंम्ह अर्यालं धयादिल । अर्याल चुनावय् व्यस्त जुयाच्वंगुलिं कलाःम्ह मचाबू लहीत गुल्मीया सिमलटारे वनाच्वंगु जुयाच्वन । अन मचायात खोप बीधुंकाः ज्वर वयेगु सुरु जुयाः निमोनियां थिल ।

चुनावया लिच्वः वयाच्वंगु इलय् मचायात तुरुन्त पाल्पा वा बुटवलया अस्पताल यंकेमाःगु खबर वल । मचायात अस्पताल यंकाः ५ मिनेट जक आइसीयुलय् तःबलय् मदुगु खबर वल ।ब्याहा याःगु नीदँ तक मचा मदयेका च्वनेमाःम्ह अर्यालया कलातं स्वला न्ह्यः तिनि काय बुइकूगु खः । स्वला तिनि दुम्ह काय मदुगु छन्हु लिपा हे वडा अध्यक्ष अत्यधिक मतं त्याःगु घोषणा जुल ।

तर त्याःसां अर्यालं ख्वालय् अबिरं इलाः विजयोत्सव न्यायेके धाःसा मखन ।मेखे फुङलिङ नगरपालिकाय् उपमेयरय् त्याःम्ह बमबहादुर भट्टराईया मां नं विजयी घोषणा जुइ च्याघौ न्ह्यः मंत । म्हिगः बहनी १० बजे मत ल्याः खानाच्वंथाय् च्वनाच्वंम्ह भट्टराई मां मदुगु खबर वयेवं अनं दनावंगु खः । मतगणनास्थलं दनावंगु च्याघौ लिपा सुथय् ६ बजे भट्टराई त्याःगु घोषणा जुल ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.