All for Joomla All for Webmasters

ने.सं. ११३६ यंलागा अष्टमी

धर्मादित्य सिरपाः लःल्हात

मांभाय् पुचः यलपाखें दँय्दसं बिया वयाच्वंगु झिंखुक्वःगु धर्मादित्य धर्माचार्य सिरपाः म्हिगः उग्रचण्डी माईथाय् जूगु छगू ज्याझ्वःया दथुइ ‘तिकिझ्याः’ वाःपौया सहसम्पादक व उपत्यका एम.एम.या नेपालभाषा ज्याझ्वः संयोजक प्रज्जल शाक्ययात लःल्हात । नेपालभाषाया न्हापांम्ह पत्रकार धर्मादित्य धर्माचार्यया ११६ क्वःगु बुदिं हने कथं मांभाय् पुचः यलया नीन्यादँ बुदिं लाकाः ईन्जिनियरिङ बिषयया च्वसु च्वःगु वापत झिद्वः तका दां सहितया थ्व सिरपाः पत्रकार व इन्जिनियर प्रज्ज्वल शाक्ययात लःल्हाःगु खः ।

शताब्दीपुरुष सत्यमोहन जोशीं वय्कःयात दोसल्लां न्ययेकाः हनापौ लःल्हाःसें उगु सिरपाः लःल्हानादीगु खः । उगु हे समारोहय् वरिष्ठ समाजसेवी मोतिलाल शिल्पकार, कुसुम गुरुमां व माधवी गुरुमांपिंत नं मांभाय्या लागाय् थःथःगु लागाय् यानादीगु ज्वःमदुगु योगदानया निंतिं हनेज्या याःगु खः ।

मांभाय् पुचः यलया नायः हेरारत्न शाक्यया सभापतित्वय् जूगु उगु ज्याझ्वलय् मूपाहां सत्यमोहन जोशी, नेवाः देय् दबूया नायः नरेश ताम्रकार, सम्मानित ब्यक्तित्व मोतिलाल शिल्पकार, वल्र्ड नेवाः अर्गनाइजेशन नेपाल च्याप्टरया अध्यक्ष व मांभाय् पुचःया सल्लाहकार शाक्य सुरेनपिंसं थः थःगु नुगः खँ कनादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.