All for Joomla All for Webmasters

ने.सं. ११३६ यंलागा अष्टमी

‘काव्यय् न्हूगु शैली मवल’

 वरिष्ठ साहित्यकार मल्ल के. सुन्दरं नेपालभाषाया काव्य विधा थौंकन्हय् पुलांगु हे शैलीं न्ह्या वनाच्वंगु खँ धयादीगु दु । पलिस्था चिनाखँ मुँज्याय् दुथ्याःगु कविताया समिक्षा यानादिसें भाजु मल्लं नेपालभाषाया काव्य विधाय् खुसः दँ न्ह्यवनिसें आधुनिक ई तक थ्यंबलय् थीथी इलय् ई युगबोध खनेदयाच्वंगुु खःसां आः धाःसा न्हूढंगं न्ह्याः वनेमफयाच्वंगु खँ कुलादीगु खः ।

पलिस्थाया स्वीक्वःगु साहित्यिक ज्याझ्वः कथं शनिवाः च्वसापासा छेँय् चिनाखँ मुँज्या जूगु खः । मुँज्याय् नीम्ह कविपिनि नीछपु कविता दुथ्याःगु खःसा झिंन्याम्ह कविपिंसं थःपिनिगु कविता पाठ यानादीगु खः ।

पलिस्थाया छ्याञ्जे महेशमान डंगोलं संचालन यानादीगु ज्याझ्वलय् नर्मदेश्वर प्रधान, डा. पुष्पराज राजकर्णिकार, बुद्ध नेवाः, भगतदास श्रेष्ठ, सुधीर ख्वबि, त्रिरत्न शाक्य, सौरभ शाक्य, बद्री बेदना, राज साय्मि, पुष्परत्न स्वीटहर्ट, अमृतमान शाक्यभिक्षु, राजेन्द्र रंजित, रामेश्वर जलन श्रेष्ठ, अमिता महर्जन, रजनि श्रेष्ठपिंसं कविता पाठ यानादीगु खः । ज्याझ्वः वरिष्ठ साहित्यकार विष्णु चित्रकारया सभापतित्वय् जूगु खः ।

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.