All for Joomla All for Webmasters

ने.सं. ११३६ यंलागा अष्टमी

देय् दबूया पदाधिकारी ल्यज्या

नेवाः देय् दबूया खुक्वःगु महाधिवेशनं निर्वाचित पदाधिकारीतय् न्हापांगु पूर्ण बैठकं दबूया ज्यासना पुचःया पदाधिकारी ल्यज्या नापं जिम्मेवारी लःल्हाःगु दु । बैठकं पुलांम्ह कार्यवाहक महासचिव माइलाबाबु द्यःलायात महासचिव पदय् मनोनित याःगु दु । अथे हे अन्जिता खड्गीयात कोषाध्यक्षय् मनोनित याःगु दु । सचिवय् सत्यनारायण डंगोल, यशोदादेवी श्रेष्ठ व शान्त श्रेष्ठयात तःगु दु ।

बैठकं जयकुमार श्रेष्ठ, बदनज्वाला राजोपाध्याय, डिना श्रेष्ठ, श्यामकृष्ण श्रेष्ठ, न्हुछेकाजी महर्जन व अन्जिता खड्गीयात केन्द्रीय दुजलय् मनोनित याःगु दु । अथेहे प्रदेश सभा देय् दबूया ज्यायात सुचारु रुपं न्ह्याकेगु लागिं थीथी विभागत नं गठन यानाः उकिया प्रमुख नं तोके याःगु दु । थुकी सूचना विभाग प्रमुखय् शंकरराम श्रेष्ठ, संस्कार विभाग प्रमुखय् बदन शर्मा, अध्ययन अनुसन्धान विभाग प्रमुखय् श्याम श्रेष्ठ, आर्थिक विभाग प्रमुखय् अन्जिता खड्गी व प्रशिक्षण विभाग प्रमुखय् तनहुँ दमौलीया शंकरनारायण श्रेष्ठयात ल्यःगु दु ।


झिंन्याम्ह दुजः दुगु सचिवालयया दुजलय् अध्यक्ष, उपाध्यक्ष, महासचिव नापं पदाधिकारी कथं कृष्ण उदास, शंकरराम श्रेष्ठ, रश्मीला प्रजापति व शंकरनारायण श्रेष्ठ च्वनादीगु दु । थौं सकसितं शपथ ग्रहण याकीगु ग्वसाः दु । अथे हे नेवाः देय् दबूपाखें थःगु हे छेँ दनेगु निंतिं मुँज्यां नायः नरेश ताम्रकारया अध्यक्षताय् खुम्ह दुजः दुगु दबू छेँ निर्माण ग्वाहालि पुचः नं नीस्वंगु दु । मुँज्यां आः याकनं हे देय्न्यंकं थीथी प्रशिक्षण कक्षा चले यायेगु नं निर्णय याःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.