All for Joomla All for Webmasters

ने.सं. ११३६ यंलागा अष्टमी

देय् दबूया तःमुँज्या न्ह्यात

देय् दबूया तःमुँज्या न्ह्यात किपा- रेखा शाक्य


 न्यादँ न्ह्यः २०६९ असोज ६, ७ व ८ गते आनन्दकुटी स्कूलय् स्थगित जूवंगु नेवाः देय् दबूया खुक्वःगु महाधिवेशन थौं दाङया घोराहीइ न्ह्यात । अधिवेशन न्ह्यः ६४ गू जिल्लां वःपिं प्रतिनिधि व पर्यवेक्षकत सहभागी जुसें छगू सांस्कृतिक ¥याली नं पिहां वःगु खः । थनया भीमसेन टोलं न्ह्याःगु लाखे, धिमे सहित थीथी बाजं दुथ्याःगु सांस्कृतिक ¥याली घोराही नगर चाःहिलाः नेशनल ट्रेडिङया चौर थ्यंकाः उद्घाटन सत्रय् हिउगु खः ।

नेवाः देय् दबूया संरक्षक मल्ल के.सुन्दरं खुक्वःगु तःमुँज्याया उलेज्या यानादिल । नेपाःया राष्ट्रिय गान, नेपालमण्डलया राष्ट्रिय गान व नेवाः देय् दबूया गान हायेकाःलि देय् दबूया नायः नरेश ताम्रकारया सभापतित्वय् जूगु तःमुँज्याय् स्थानीय राजनीतिक पार्टीया नेतातय्सं नं भिंतुना बियादीगु खः ।

उलेज्या लिपा थौं हे बहनी बन्द सत्र न्ह्याइ । घोराही नपा भवनय् जुइगु बन्द सत्रय् अध्यक्षया प्रतिवेदन, महासचिवया प्रतिवेदन व कोषाध्यक्षया प्रतिवेदन न्ह्यब्वइ । वयांलिं विधान संशोधन यानाः वरिष्ठ उपाध्यक्ष पदया व्यवस्था याइगु ज्याझ्वः दु । न्हूगु नेतृत्व ल्ययेगु ज्या धाःसा कन्हय् जक जुइ ।

छगू हे चर्चा – सहमति छु जुइ ?

देय् दबूया तःमुँज्याया लागिं पिने जिल्लां वयाच्वंपिं प्रतिनिधितय् दथुइ दकलय् अप्वः चर्चा जुयाच्वंगु विषय धाःसा छगू हे खः, नेतृत्वया लागिं येँय् याना वःगु सहमति कार्यान्वयन जुइ ला ? जिल्लाया प्रतिनिधितय् दथुइ पुचः पुचः मुनाः थ्वहे सहमति बारे चर्चा जुयाच्वंगु खनेदु । अथे खःसां नं सुनां नं प्रत्यक्ष रुपं थुकिया विरोध वा समर्थन धाःसा याःगु मदुनि ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.