All for Joomla All for Webmasters

ने.सं. ११३६ यंलागा अष्टमी

पत्रकार दबूया पत्रकारिता तालिम

 नेवाः पत्रकार राष्ट्रिय दबूया ग्वसालय् स्वन्हुयंकंया पत्रकारिता तालिम शुरु जूगु दु । यल क्षेत्र नं २ या सांसद चन्द्र महर्जनया निर्वाचन क्षेत्र विकास कार्यक्रम अन्तर्गत जिल्ला समन्वय समितिया संयोजनय् नेवाः पत्रकार राष्ट्रिय दबुलिं उगु तालिम संचालन याःगु खः ।तालिमया उलेज्या यासें सांसद महर्जनं जनताया छेँय्छेँय् तक राज्यया उपस्थितिया अनुभूति बीकेत संविधानं स्थानीय तहयात बल्लाकूगु खँ न्ह्यथँसे उकिया प्रभावकारी अभ्यासया निंतिं व जवाफदेही दयेकेत पत्रकार उत्पादन यायेगु ज्यायात राज्य व स्थानीय तहं प्राथमिकता बीमाःगु खँय् बः बियादिल ।

संचार ख्यःयात समावेशी दयेकेमाःगु आवश्यक जूगु खँ कुलादिसें सांसद महर्जनं धयादिल, ‘उकिया निंतिं विविध जातजाति व भाषाभाषीपाखें पत्रकार उत्पादन यायेगु ज्यायात राज्य व स्थानीत तहं प्राथमिकता बीमाः ।’पत्रकार दबूया केन्द्रीय नायः श्रीकृष्ण महर्जनं संचार ख्यःयात समावेशी दयेकेत, मांभाय्या माध्यमं पत्रकारितायात सशक्त दयेका वनेगु उद्देश्यकथं छगू जातीय समुदायपाखें म्होतिं नं छम्ह पत्रकार उत्पादन यायेगु ल्याखं सहभागित ल्ययागु जानकारी बियादिल ।

ज्याझ्वलय् ताम्रकार समाजया नायः रविन्द्रराज ताम्रकारं संचार क्षेत्रय् थःगु गतिविधि, एजेन्डायात थाय् बीत सम्बन्धित सरोकारवालातय्सं थःपिनिगु अग्रसरता क्यनेमाःगु आवश्यक दुगु खँ न्ह्यथँसें उकिया निंतिं स्थानीय तहं ग्वाहालि यायेमाःगु विचाः प्वंकादीगु खः ।दबूया केन्द्रीय न्वकु नापं प्रशिक्षण विभागया प्रमखु सुरजवीर वज्राचार्यं संचार ख्यःयात समावेशी दयेकेगु ल्याखं न्हूपिंत पत्रकारिता क्षेत्रय् आकर्षित यानाः इमिगु क्षमता अभिवृद्धि यायेमाःगु नापं सम्बन्धित समुदायलिसें राज्यं नं अग्रसरता क्यनेमाः धयादिल । दबूया मूछ्यांजे सुनील महर्जन व यल कचाया छ्यांजे राजेश वज्राचार्यं पत्रकारिता व तालिमया थीथी पक्षयात कयाः नवानादीगु तालिमय् स्वीन्याम्हेसिनं प्रशिक्षण कयाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.