All for Joomla All for Webmasters

ने.सं. ११३६ यंलागा अष्टमी

छन्हुं हे देय्या दबूया प्यंगू जिल्ला अधिवेशन

 

वैशाख ८ व ९ गते यायेगु धकाः क्वःछिनातःगु नेवाः देय् दबूया तःमुँज्या सम्पन्न यायेगु लागिं थीथी जिल्लाय् अधिवेशन यायेगु ज्या धमाधम न्ह्यानाच्वंगु दु । थ्वहे झ्वलय् म्हिगः शनिवाः जक थीथी प्यंगू जिल्लाय् अधिवेशन क्वचाःगु दु ।म्हिगः अधिवेशन क्वचाःगु जिल्लात मध्ये सुर्खेतय् लीला श्रेष्ठया अध्यक्षताय् न्हूगु ज्यासना पुचः गठन याःगु दुसा सिराहय् राजकुमार श्रेष्ठ, नुवाकोटय् रामप्रसाद जोशी व कपिलवस्तुइ निलकुमार श्रेष्ठया अध्यक्षताय् न्हूगु ज्यासना पुचः गठन याःगु दु । थ्वहे झ्वलय् राजधानी येँ जिल्लाया अधिवेशन थ्वहे वइगु चैत २६ गते याइगु ग्वसाः दुसा यल व ख्वप जिल्लाय् २३ गते अधिवेशन याइगु ग्वसाः दु ।

अथे हे चैत २२ गते सुनसरी व रुपन्देहीइ २५ गते अधिवेशन यायेगु क्वःछिनातःगु दु । तच्वःगु विवादया कारणं अधिवेशन बहिष्कार यायेगु धकाः घोषणा जूगु चितवन जिल्लाया समस्या समाधान जूगुलिं अन नं चैत २४ गते अधिवेशन जुइगु क्वःजिउगु दु । कास्कीइ धाःसा पोखराया नेवाः खलःपाखें देय् दबूया नामं मखुसें थःपिं नेवाः खलःया नामं हे अधिवेशनय् वये दयेमाः धइगु माग याःगु कारणं जिल्ला अधिवेशन अझे हे निश्चित मजूनि धाःगु दु ।

ल मुक्कं अधिवेशन यायेमाःगु जिल्ला – ५३
ल आः तक अधिवेशन क्वचाःगु जिल्ला – २३
ल आः तयारी जुयाच्वंगु जिल्ला – २०

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.