All for Joomla All for Webmasters

ने.सं. ११३६ यंलागा अष्टमी

थीथी जिल्लाय् देय् दबूया तःमुँज्या

 

वइगु बैशाख ८ व ९ गते निन्हुयंकं जुइगु नेवाः देय् दबूया खुक्वःगु महाधिवेशनया निंतिं थीथी जिल्लाय् जिल्ला अधिवेशन न्ह्यानाच्वंगु दु । थ्व झ्वलय् कन्हय् चैत १८ गते जिल्ला अधिवेशन यायेगु निंतिं केन्द्रीय प्रतिनिधिमण्डल थौं हे नुवाकोट थ्यंकूगु दु । अथे हे कंस चैत १९ गते नेवाः देय् दबूया यल जिल्ला अधिवेशन जुइत्यंगु दु । कंस हे बारा व पर्सा जिल्लाय् नं जिल्ला अधिवेशन जुइत्यंगु दु । अधिवेशनया झ्वलय् सर्लाहीइ चैत २० गते आइतवाः जिल्ला अधिवेशन जुइ । अथेहे २१ गते सुनसरी जिल्ला अधिवेशन धरानय् जुइगु खँ नेवाः देय् दबू केन्द्रीय समितिया कार्यबाहक महासचिव माइलाबाबु द्योलां कनादिल ।

नापं चैत २३ बुधवाः ख्वपया जिल्ला अधिवेशन यायेत्यंगु दु । चैत २५ गते चितवन व पाल्पाय् जिल्ला अधिवेशन जुइ । अथेहे चैतया २६ गते नेवाः देय् दबू येँ जिल्ला अधिवेशन यायेगु क्वःछिनातःगु दु ।अथे हे प्रतिनिधिया विवादं यानाः तःमुँज्याय् ब्वति कायेगु मखु धयाहःगु कास्की जिल्लालिसे सहमति जूगु खँ धाःगु दु । कास्कीइ देय् दबूया जिल्ला तःमुँज्या याइगु जूगु दुसा रुपन्देहीइ धाःसा आः तक नं खँ मिले मजूनिगुु सीदुगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.