All for Joomla All for Webmasters

ने.सं. ११३६ यंलागा अष्टमी

शाक्य फाउण्डेसनया झिंखुक्वःगु दँमुँज्या

ने.सं. ११३७ चिल्लागा त्रयोदशि, आइतवाः

शाक्य फाउण्डेसन नेपालया झिंखुक्वःगु दँमुँज्या आः नकतिनि जुल । अध्यक्ष अमिरमान शाक्यया सभापतित्वय् जूगु दँमुँज्याया न्हापांगु सत्र पंचशील प्रार्थना व बोधिमत च्याकाः उलेज्या याःगु खः ।

फाउण्डेसनया उपाध्यक्ष राजकाजी शाक्यं लसकुस यानादीगु ज्याझ्वलय् महासचिव माधुरी शाक्यं वार्षिक प्रतिवेदन व कोषाध्यक्ष सुमित्रा शाक्यं आर्थिक प्रतिवेदन न्ह्यब्वयादीगु खः ।

फाउण्डेसनया मिसा पुचः कवःपाखें लसकुस म्येँ न्ह्यब्वःगु ज्याझ्वलय् २०७२ सालया एसएलसी परीक्षाय् देय्न्यंकंया शाक्य कुलपुत्री मध्ये सर्वोत्कृष्ट ल्याः हयादीम्ह सुदीक्षा शाक्य (हिलटाउन स्कुल) व शाक्य कुल पुत्र निश्चल शाक्य (इनोभेटिभ स्कुल)यात अध्यक्ष शाक्यं जुजुभाई नानीछोरी शिक्षा पुरस्रकार लःल्हानादीगु खः ।

अथे हे दुजः माधवी शाक्य वज्राचार्यं प्रायोजन यानादीगु जेहेन्दार विद्यार्थी छात्रवृत्ति स्वराज शाक्य (खुसिबही)यात सकिल शाक्यं प्रायोजन यानादीगु जेहेन्दार छात्रवृत्ति सिरपाः एन्जिला शाक्य (ओमबहाः)यात लःल्हाःगु खः ।

न्हापांगु सत्रय् मूपाहांकथं झायादीम्ह संस्थापक अध्यक्ष देवकाजी शाक्य, सल्लाहकार जनक नेवाः लगायतं नुगःखँ तयादीगु खःसा गंगा शाक्यं सुभाय् देछानादीगु खः ।

निगूगु सत्रय् फाउण्डेसनया न्हूगु ज्यासना पुचःया ल्यज्या नं याःगु खः । न्हूगु ज्यासना पुचःया अध्यक्ष, उपाध्यक्ष, महासचिव, कोषाध्यक्ष, सचिव व सह कोषाध्यक्षय् छसिकथं अमिरमान शाक्य, राजकाजी शाक्य, माधुरी शाक्य, माणिकरत्न शाक्य, ज्ञानबहादुर शाक्य व रेणु बुद्धाचार्य निर्वाचित जुयादीगु दु ।

अथे हे दुजलय् सिद्धिरत्न शाक्य, नरेशवीर शाक्य, तीर्थमान शाक्य, गंगा शाक्य, स्वस्तिरत्न शाक्य, आनन्द शाक्य व स्वयम्भू शाक्य निर्वाचित जुयादीगु दु ।

निर्वाचित सकसितं निर्वाचन अधिकृत पूर्णदिपक शाकयं सपथ ग्रहण याकादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.