All for Joomla All for Webmasters

ने.सं. ११३६ यंलागा अष्टमी

देय् दबू तःमुँज्याया व्यवस्थापन समिति

 

नेवाः देय् दबू केन्द्रीय समितिया पदाधिकारी व स्थानीय आयोजक समितिया पदाधिकारीपिं जानाः थौं सुथय् थन जूगु मंकाः बैठकं दिपक श्रेष्ठया अध्यक्षताय् नेवाः देय् दबूया खुक्वःगु तःमुँज्या मूल ब्यवस्थापन समिति नीस्वंगु दु । नेवाः देय् दबूया नायः नरेश ताम्राकार नापं तःमुँज्या आयोजक समितिया दुजः विजयरत्न बज्राचार्य, मेम्ह दुजः माइला बाबु द्योला, पश्चिमाञ्चल उपाध्यक्ष व दुजः दिपक शाक्य, रमेश ख्येँधौ माकु, न्वकु यशोधा श्रेष्ठ, विनोद श्रेष्ठ, निर्वाचन समितिया संयोजक गणेशमान श्रेष्ठ, ल्याय्म्ह दबूया सत्यनारायण डंगोल व नेवाः देय् दबू दाङया अध्यक्ष नारायण श्रेष्ठ सहितया मुँज्यां खुक्वःगु अधिवेशन मूल ब्यवस्थापन समिति व झिंछगू थीथी उपसमिति नं नीस्वंगु दु ।

ब्यवस्थापन समिति अन्तर्गत नीस्वंगु झिंछगू उपसमितिइ आवास उपसमिति, आर्थिक ब्यवस्थापन उपसमिति, प्रचार प्रसार उपसमिति, अतिथि सत्कार उपसमिति, भोजन व्यवस्थापन उपसमिति, सांस्कृतिक कार्यक्रम उपसमिति, महिला उपसमिति, ¥याली व्यवस्थापन उपसमिति, स्वागत सत्कार उपसमिति, मञ्च व्यवस्थापन उपसमिति आदि दु ।

थ्वहे झ्वलय् दाङया थाय्थासय् ब्यानर खायेगु व प्रचार प्रसार यायेगु ज्या नं सुरु जूगु दु । कपिलवस्तु जिल्लाय् नं मानध्वज श्रेष्ठ अध्यक्ष, प्रेमसागर साही उपाध्यक्ष व तीर्थराज श्रेष्ठ सचिव जुयाः २० गते दुने जिल्ला अधिवेशन यायेगु कथं आयोजक समिति नीस्वंगु दु । अथेहे पाल्पाय् नं जिल्ला अधिवेशन यायेत छगू समन्वय समिति नीस्वंगु दु । न्हूगु विधान कथं देय् दबूया हे नामय् वयेमाःगु जूगुलिं स्थानीय खलः पुचः जानाः जिल्ला अधिवेशन यायेमाःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.