All for Joomla All for Webmasters

ने.सं. ११३६ यंलागा अष्टमी

तःमुँज्या स्थगन बारे सहलह

नेवाः देय् दबूया खुक्वःगु तःमुँज्या ग्वसाः खलकं थौं छगू वृहत् भेला सःतुसें चैतं याये धयातःगु तःमुँज्या स्थगन जूवंगु बारे सहलह ब्याकल । थ्व तःमुँज्या आः वैशाख ८ व ९ गते दांगय् यायेगु धकाः निर्णय जूगु दु । तर अबले नं थ्व तःमुँज्या जु हे जुइ धइगु छुं ग्यारेन्टी मदुगु कारणं थुकियात गथे यानाः ग्यारेन्टी यायेगु धइगु खँय् मुँज्याय् सहलह जूगु खः । ग्वसाः खलःया कजि विजयप्रकाश तण्डुकारया सभापतित्वय् जूगु थौंया मुँज्याय् देय् दबूया सल्लाहकार, केन्द्रीय दुजः, संस्थापक दुजः लिसें थीथी नेवाः न्ह्यलुवापिंत सःतातःगु खः ।

ज्याझ्वलय् सल्लाहकार लक्ष्मीदास मानन्धर लगायत नरेशवीर शाक्य, मंगला कारंजित, डा. सुमित्रा मानन्धर, पवित्र वज्राचार्य, प्रकाश पलिखे, जितेन्द्र विलास वज्राचार्य आदिपिंसं बिचाः तयादीगु खः । ज्याझ्वलय् आः वैशाख ८ व ९ याये धाःगु तःमुँज्या स्थगित याये मजिल धइगु खँय् चिउताः प्वंकुसें यदि अबले दांगय् तःमुँज्या याये मफुत धाःसा येँय् वयाःसां यायेमाः, उकिया लागिं माःगु ग्वाहालि चूलाकेगु जुइ धइगु खँ नं पिहां वःगु खः । अथे थ्व तःमुँज्या खुक्वःगु खः कि न्हय्क्वःगु खः धइगु न्ह्यसः नं मुँज्याय् पिहां वःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.