All for Joomla All for Webmasters

ने.सं. ११३६ यंलागा अष्टमी

वासः याकेत वःगु ग्वाहालि दामं अक्षय कोष

मदुम्ह साहित्यकार लिसें कलाकार रामशेखर नकःमियात वासः यायेया लागिं थीथी थासं मुंकूगु दांपाखें आः वय्कःया हे नामं छगू अक्षय कोष नीस्वनीगु जूगु दु । वय्कःया वासः याकेत थीथी खलः पुचलं मुंकूगु दां खर्च मजूनिवं हे वय्कः मदुगुलिं आः उगु दां व मेगु नं थप तयाः अक्षय कोष स्वनेगु खँ जूगु खः । थ्व कोषपाखें ख्यालः विधायात हे च्वन्ह्याकेगु ल्याखं रामशेखरया नामं छगू प्रतिष्ठान हे स्थापना यायेगु समेत ग्वसाः जुयाच्वंगु खँ नं धाःगु दु । उकिया लागिं थःपिंके दुगु दां व रामशेखरया नामं मेमेगु संस्था व ब्यक्तिपाखें वइगु दां नं छथाय् हे तयेगु ग्वसाः दयेकूगु दु ।

आः तक वय्कःया वासः याकेत धकाः निगूत्या लाख दां मुनेधुंकूगु दु । उकी नेपालभाषा साहित्य तःमुँज्याया छगू लाख व द्वःछि, रामशेखर ग्वाहालि पुचःया न्यय्द्वः, लक्ष्मीबहादुर नकःमि (अष्ट्रलिया)पाखें न्यय्द्वः, लुमन्ति दबू (नेपालभाषा केन्द्रीय विभाग) पाखें ३४,५०० तका, रामशेखरया भिंचापिं दुर्गेश्वरी, चण्डेश्वरी व जमुनापाखें झिंन्याद्वः, महन्तलाल मल्लपाखें ५,०००, मोतिलक्ष्मी व प्रतिसरा साय्मिपाखें ४,०१०, विमल ताम्राकारपाखें २,००० तका दां मुनाच्वंगु दु । थुकी मेमेगु थासं वयाच्वंगु दां नं मुनीगु खँ धाःगु दु ।
थ्वहे झ्वलय् रामशेखर ग्वाहालि पुचःपाखें वइगु फागुन २७ गते सूर्यविनायकया तलेजु बैंक्वेटय् बिचाः मुँज्या यायेत्यंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.