All for Joomla All for Webmasters

ने.सं. ११३६ यंलागा अष्टमी

पचली पीठय् द्यः हिल

क्वःने भेगया शक्तिपीठ कथं कयातःम्ह पचली आजुया गमय् च्वंगु द्यःया मूर्ति हिलाः न्हूगु तःगु दु । मंगलवाः राजोपाध्याय बाज्यापाखें परम्परागत होम पुजा याना बुधवाः आचाजुं न्यास लिकयाः न्हूगु मूर्ति तःगु खः । न्यास लिकयाः न्हूगु मूर्ति तयेवं थनिंनिसें सकसितं दर्शनया निंतिं खुल्ला याःगु खः । पचली आजु खलःया थाकुलि द्यःसिं महर्जनं बियादीगु जानकारी कथं न्हूम्ह द्यः सिजःया पाताय् लुं सियाः दयेकूगु खः ।

थुकी छतोलात्या लुँ सिउगु खः । पुलांगु मूर्तिया ख्वाःया रुप सी मदया वनेवं १२ म्ह गुथि खलःया दुजःत नाप सहलह यानाः खलकं हे खर्च ब्यहोरे यायेगु कथं न्हूगु मूर्ति दयेकूगु खः । थुगु मूर्ति प्रेम ताम्राकारं दयेकादीगु खः । आः दयेकूगु मूर्ति द्यःसिं महर्जनयाकथं पुलांगु स्वरुपया खः । थ्व सिबें न्ह्यः तयातःगु द्यः दातातय्गु इच्छां ढलौटया दयेकातःगु खः गुकी पुलांगु आजुया स्वरुप प्रस्ट मवः ।

आः दयेकूगु मूर्तिया लागिं छुं भक्तजनतय्सं नं स्वेच्छां चन्दा तःगु दु । लुमंकेबहः जू, थ्व सिबें न्ह्यः पचली पीठया बेताः व त्यप आजुया मूर्ति नं हिलेगु ज्या जूगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.