All for Joomla All for Webmasters

ने.सं. ११३६ यंलागा अष्टमी

माधवनारायण धलंया परदेश चाःहिले क्वचाल


स्वस्थानी व्रतया झ्वलय् अप्सं च्वंपिं परदेश चाःहिउवनेगु ज्या थौं क्वचाःगु दु । अप्सं च्वनाच्वंपिं म्हिगः चांगु नारायण वनाः थौं लिहां वयेवं परदेश चाःहिलेगु क्वचाःगु खः । सक्वया नारी खुसिइ माधवनारायणया लछियंकं अप्सं च्वनेगु झ्वलय् परदेश वनेगु धकाः प्यन्हु थीथी थासय् वनेमाः । थ्व झ्वलय् थुगुसी वंगु माघ १३ गते सक्वया वज्रयोगिनी व पशुपति, १४ गते फर्पिङ, १७ गते पन्ति वंगु खःसा म्हिगः चांगु वंगु खः ।
म्हिगः एकादशीकुन्हु निकः अप्सं च्वनाः भोजन सिधयेकाः चाँगु नारायण वंगु खः । चाँगु नारायणय् भजनकीर्तन यानाः अप्सं च्वनाच्वंपिं इच्छा दुपिं मिजंत लिसें मिस्तय्सं नं म्ह दायाः चाँगुनारायणया परिक्रमा याःगु खः । मेमेथाय् जूसा मिजंतय्सं म्ह दायेगु याइबलय् मिस्तय्सं सहस्रधारा जल हायेकाः चाःहिलेगु याइगु खः ।
स्वस्थानी व्रतया झ्वलय् कन्हय् ३३ कोटी द्यःपिंत सःताः अश्वमेघ यज्ञ याइसा २८ गते सांगे पुजा व २९ गते माघशुक्ल पुन्हि कुन्हु मिगाः पुजा यानाः भोजन यानाः थ्व अप्सं क्वचायेकी ।

ने.सं. ११३७ सिल्लाथ्व द्वादशि, बुधवाः

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.