All for Joomla All for Webmasters

ने.सं. ११३६ यंलागा अष्टमी

टिपरया ठकरं भैरव गुथि नायः मंत

ने.सं. ११३७ सिल्लाथ्व नवमि, आइतवाः

भैरवनाथ गुथिया मू नायः मुक्ति बहादुर सुवाल म्हिगः छगू सतक दुर्घटनाय् मदयेवं थुगुसी न्यायेकेमाःगु बिस्काः जात्राया तयारी ज्या प्रभावित जुइगु जूगु दु ।


म्हिगः सुथय् ४ बजे न्हिया न्हिथं हे भैलद्यःया पुजा यायेत वनाच्वंम्ह सुवालयात सूर्यविनायक लागाया धलाँते धाःगु थासय् छगः टिपरं ठक्कर नकूगु खः । जेब्रा क्रस जुयाः लँ त्वाल्हानाच्वंम्ह सुवालयात टिपरं ठक्कर नकाः करिब १५ फिट तापाक हुत्ते याना छ्वःगु खः ।

ट्राफिकं आः न्यागः खुगः टिपर ज्वना हःसां ठक्कर नकूगु टिपरयात धाःसा ज्वने मफुनि । ट्राफिकं थुकियात सामान्य दुर्घटनाया केश थें जक काःगुलिं छेँजःपिंसं वय्कःया लाश तकं उठे मयासे मध्यपुर अस्पतालय् तयातःगु दनि ।


८४ दँ दुम्ह मू नायः सुवाल भैलःद्यःया जात्रा व नित्य पुजाय् तकं मदयेक मगाःम्ह जः खः । थुगु दँया बिस्काः जात्राया लागिं रथ दयेकेगु ज्या थ्वहे फागुनंनिसें न्ह्याः । रथ दयेकेत सिँ मालेगु ज्या हे वय्कलं यायेमाःगु खः । लिसें जात्रा समेत वय्कः हे न्ह्यःने च्वनाः न्ह्याकेगु याना वयाच्वंगु दु ।

वय्कः गुथिया मू नायः जक मखु थ्व सम्बन्धी फुक्क ज्याया नेतृत्व समेत याना वयाच्वनादीम्ह जुयाः वय्कः मदयेवं आः जात्रा न्ह्याकेत तकं समस्या जुइगु खँ मेपिं गुथियारपिंसं धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.