All for Joomla All for Webmasters

ने.सं. ११३६ यंलागा अष्टमी

दँय्दसं ‘विश्व नेवाः दिवस’ न्यायेकीगु

ने.सं. ११३८ कछलाथ्व षष्ठि, विहीवाःयेँय् नेवाःतय् बारे अन्तर्राष्ट्रिय गोष्ठीपाखें दिवस घोषणाया तयारी वल्र्ड नेवाः अर्गनाइजेशनपाखें आः दँय्दसं ‘विश्व नेवाः दिवस’ न्यायेकीगु जूगु दु । आः वइगु नेपाल संवत् ११३८ चौलाथ्व १४ व १५ अर्थात् सन् २०१८ या मार्च ३० व ३१ तारिख...

सान फ्रान्सिस्कोय् भिंतुना र्‍याली व जू…

नेपाल संवत् ११३८ न्हूदँया लसताय् अमेरिकाया सान फ्रान्सिस्कोय् नेवाः अर्गनाइजेशन अफ अमेरिकाया ग्वसालय्  भिंतुना र्‍याली व म्हपुजा जुल । ज्याझ्वलय् वल्र्ड नेवाः अर्गनाइजेशनया उपाध्यक्ष दयारत्न शाक्य मूपाहाँ कथं झायादीगु खः ।         

सत्यमोहनयात बासा लायाः लसकुस

शताब्दी पुरुष सत्यमोहन जोशीयात थ्वहे भदौ ३० गते शुक्रवाः तःजिक हनेत्यंगु ज्याझ्वःया पूवंगु जानकारी म्हिगः हना ग्वसाः खलकं पत्रकार सम्मेलन यासें बिल । हना ज्याझ्वलय् राष्ट्रपति विद्यादेवी भण्डारी मूपाहां कथं झाइगु खँ कँसें ग्वसाः खलःया कजि लक्ष्मीदास मानन्धरं सत्यमोहन जोशीया थ्व...

जापानय् महाकवि सिद्धिदास बुन्हि

महाकवि सिद्धिदास महाजुया १५० दँ बुन्हि थुगुसी जापानय् नं हन । वल्र्ड नेवाः अर्गनाइजेशन जापानया ग्वसालय् वंगु शुक्रवाः छगू साहित्यिक ज्याझ्वः यासें बुन्हि हनेगु ज्या जूगु खः । ज्याझ्वलय् संस्थाया प्रतिनिधि जनकराज शाक्यं महाकविया म्हसीका बिसें नेपालभाषा साहित्य व जातिया उत्थानय् वय्कलं...

शताब्दीपुरुष सत्यमोहन जोशीयात तःजिक हनीग…

वाङ्मय शताब्दीपुरुष डा. सत्यमोहन जोशीयात थ्वहे वइगु ने.सं. ११३७ यँलागा दसमि (भदौ ३० गते) शुक्रवाः तःजिक हनीगु जूगु दु ।नेवाः जागरण मञ्चया संयोजनय् भाजु लक्ष्मीदास मानन्धर संयोजक जुयाः नीस्वंगु ‘वाङ्मय शताब्दी पुरुष सत्यमोहन जोशी हना’ समितिं थुगु ज्याझ्वः तःजिक न्यायेकेगु निंतिं...

शताब्दी पुरुष जोशी हनेज्याया निंतिं भेला

वाङमय शताब्दी पुरुष सत्यमोहन जोशीयात वइगु भदौ ३० गते तःजिक हनेगु निंतिं लक्ष्मीदास मानन्धरया अध्यक्षताय् नीस्वंगु ‘वाङ्मय शताब्दी पुरुष सत्यमोहन हना समिति’पाखें थीथी ख्यःया नेवाः ब्यापारीपिनि भेला यात । भेलाय् अध्यक्ष मानन्धर लिसें हना समितिया मू दुजः मल्ल के. सुन्दरं सत्यमोहन...

न्याम्ह नेवाः पत्रकारयात सिरपाः

रमेशकाजीयात सत्यमोहन सिरपाः देय्न्यंकंया नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया भदौ १७ जुइगु न्याक्वःगु दँमुँज्याय् न्याम्ह पत्रकारतय्त सिरपाः लःल्हायेगु निर्णय याःगु दु । पत्रकार दबुलिं बिउगु जानकारी कथं ‘वाङ्मय शताब्दी पुरुष सत्यमोहन जोशी पत्रकारिता सिरपाः’ बरिष्ठ पत्रकार रमेशकाजी स्थापितयात...

नेवाः देय् दबूया नीस्वदँ बुन्हि

नेवाः देय् दबूया नीस्वक्वःगु बुदिं म्हिगः नेपाः बैंक्वेटय् रक्षामन्त्री भीमसेनदास प्रधानया मू पाहांसुइ हन । ज्याझ्वलय् वय्कलं १५० क्वः हिदान यानादीम्ह हिदाता प्रेमसागर कर्माचार्य लगायत थीथी ब्यक्तित्वतय्त हनेज्या यानादिल । ज्याझ्वलय् न्ववासें वय्कलं आः नेपाल संवत्यात राष्ट्रिय संवत् कथं प्रचार यायेत न्हूदँ...

मंकाः गुंला बाजं

गुंलाजःछि थाइगु गुंला बाजंया छगू विशेष प्रस्तुती कन्हय् स्वयम्भूइ याइगु जूगु दु । येँया स्वंगू गुंला बाजं खलःया मंकाः ग्वसालय् उगु बाजं ब्वज्या यायेत्यंगु खः । ताम्राकार गुंला बाजं खलः, असं बाजं गुथि व तेबहाः गुंला बाजं खलःपाखें छक्वलं गुंला बाजं थानाः...

नेवाः व्याकरण कथंया लिपि पौ विमोचन

नेपाल लिपिया परिमार्जित वर्णमान पिदंगु दु । म्हिगः छगू ज्याझ्वःया दथुइ येँ महानगरपालिकाया मेयर विद्यासुन्दर शाक्य, यल महानगरपालिकाया मेयर चिरिबाबु महर्जन, किपू नगरपालिकाया मेयर रमेश महर्जन व चन्द्रागिरि नगरपालिकाया मेयर घनश्याम गिरिं मंकाः कथं न्हूगु वर्णमालाया विमोचन यानादीगु खः । नेपाल लिपि गुथिं...

बहुभाषिक संकिपा च्वापुफय्या शुभमुहूर्त

ने.सं. ११३७ गुंलाथ्व दशमि, बुधवाः नेपालभाषाया मेगु छगू ऐतिहासिक संकिपा च्वापुफय्या शुभमुहूर्त म्हिगः थनया लगं त्वालय् च्वंगु तःबहालय् जुल । महाजु फाउन्डेशन ख्वपपाखें दयेकेत्यंगु थुगु संकिपा थीथी प्यंगू भासं निर्माण जुइ । शुभमुहूर्तय् नेपालभाषा एकेदेमिया सदस्य सचिव मल्ल के. सुन्दरं निर्देशन, सिद्धिदास प्रतिष्ठानया नायः...

अमेरिकाया न्यूयोर्कय् मंकाः इहि मुना

अमेरिकाया न्यूयोर्क सहरय् च्वंपिं नेवाःतय् संगठन नेवाः नखः न्यूयोर्कया ग्वसालय् आः नकतिनि छगू इहि ज्याझ्वः जूगु दु । वंगु दिल्लाथ्व पुन्हिकुन्हु न्यूयोर्कया शेर्पा किडुग हलय् जूगु इहि ज्याझ्वलय् मुक्कं गुम्ह मिसामस्तय्त इहि यायेगु ज्या जूगु खः । अमेरिकाया बोस्टन, भर्जिनिया, न्यूजर्सी, मेरील्याण्ड...

डाक्टर–इन्जिनीयरत नं लिपि कक्षाय्

थन न्ह्यानाच्वंगु नेपाल लिपिया कक्षाय् समाजया थीथी प्रतिष्ठित पेशाय् आवद्ध व्यक्तित्वतय्सं नं ब्वति कयाच्वंगु दु । थनया लिपि कक्षाय् डाक्टर, इन्जिनीयर, वकिल, नर्स आदि थेंज्याःगु पेशाय् संलग्न मनूतय्सं नं ब्वति कयाच्वंगु खः । थन प्रशिक्षक जगत पात्यां लिपि स्यनेज्या यानादीगु खः । लछि तकया...

मनपाया नेवाः मिसा वडा दुजःपिंत हना

नेवाः मिसा दबू येँ महानगर समितिया ग्वसालय् येँ मनपाय् त्याना वःपिं नेवाः मिसा वडा सदस्यपिंत हनेज्या जुल । मिसा दबू यँे महानगर समितिया नायः दिल्ली मैंया सिंया सभापतित्व व नेवाः मिसा केन्द्रीय समितिया नायः रश्मिला प्रजापति मू पाहां झाःगु उगु ज्याझ्वलय्...

गुदँ तक दिनाच्वंगु गुंला बाजं थुगुसी पिद…

वंगु गुदँ न्ह्यवंनिसें बन्द जुयाच्वंगु थनया धर्मचक्र महाविहार (वटु तःधं बहाः) या गुंला बाजं थुगुसी पिहां वइगु जूगु दु । बहाःया सकलें च्वनाः याःगु सहलह कथं थुगुसी बाजं पिकायेगु निर्णय जूगु खः । म्हिगः बहाःया थाकुलि जुजुभाइ शाक्यया उपस्थितिइ मत पुजा समेत...

डल्लुइ धिमे प्रशिक्षण

परम्परागत नेवाः बाजं स्यनीपिं व स्यनाकाइपिं मदिक्क अप्वयेका यंकेगु ताः तयाः डल्लु आवास साँस्कृतिक ल्याय्म्ह पुचलं धिमे बाजं प्रशिक्षण सुरु याःगु दु । नेपाली संस्कृति संरक्षण व सम्वद्र्धन यायेगु ताः तयाः छुं न्हि न्ह्यव जक जूगु पुचः नीस्वंगु खः । किरण महर्जनया अध्यक्षताय्...

न्हापांगु उत्तर अमेरिकी महादेश नेवाः मुँ…

ने.सं. ११३७ दिल्लाथ्व ११, बुधवाः उत्तर अमेरिका महादेशन्यंकं च्वनाच्वंपिं नेवाःतय् न्हापांगु मुँज्या जुइगु जूगु दु । थ्व हे वइगु सेप्टेम्बर १ निसें ३ तक स्वन्हुयंकं जुइगु उगु मुँज्या क्यानडाया ब्राम्पटनय् जुइ । विश्वन्यंकं च्वनाच्वंपिं नेवाःतय् अन्तर्राष्ट्रिय संगठन वल्र्ड नेवाः अर्गनाइजेसनया उद्देश्य पूवंकेगु नापं थ्वनाप...

अनलाइनपाखें नेपालभाषा कक्षा

विश्व–न्यंकंया मनूतय्त नेपालभाषा स्यनेगु लागिं वल्र्ड नेवाः अर्गनाइजेशन (डब्लुएनओं) नेपालभाषा कक्षा सञ्चालन याइगु जूगु दु । थ्वहे वइगु शनिवाः (जुलाई ८) निसें थ्व कक्षा शुरु जूगु दु । हरेक निवाःया छगू शनिवाः नेपाःया ई कथं बहनीया ८ः४५ बजे थ्व कक्षा शुरु जुइ । फेसबुकय्...

धर्मादित्य सिरपाः लःल्हात

मांभाय् पुचः यलपाखें दँय्दसं बिया वयाच्वंगु झिंखुक्वःगु धर्मादित्य धर्माचार्य सिरपाः म्हिगः उग्रचण्डी माईथाय् जूगु छगू ज्याझ्वःया दथुइ ‘तिकिझ्याः’ वाःपौया सहसम्पादक व उपत्यका एम.एम.या नेपालभाषा ज्याझ्वः संयोजक प्रज्जल शाक्ययात लःल्हात । नेपालभाषाया न्हापांम्ह पत्रकार धर्मादित्य धर्माचार्यया ११६ क्वःगु बुदिं हने कथं मांभाय्...

नेपालभाषा परिषद्या थीथी सिरपाः लःल्हात

नेपालभाषा परिषदं दँय्दसं बिया वयाच्वंगु भाषाथुवाः उपाधि नापं थीथी सिरपाः म्हिगः प्रज्ञा भवनय् जूगु छगू समारोहया दथुइ लःल्हात । थुगुसी नेपालभाषाया प्रतिष्ठित ब्यक्तित्वतय्त बीगु भाषाथुवाः उपाधि खुगू दशक न्ह्यवंनिसें बाखं व उपन्यास विधाय् च्वसा न्ह्यानादीम्ह आख्यानकार मथुरा साय्मियात लःल्हाःगु खः । अथेहे...

अमेरिका फिल्म महोत्सवय् स्वंगू नेवाः फिल…

अमेरिकाय् जुइगु नेपाल जनजाति फिल्म महोत्सवय् दुथ्याकेगु निंतिं नेपालभाषाया स्वंगू फिल्म सिफारिस जूगु दु । नेपाल जनजाति चलचित्र महासंघ नेपाःपाखें झिंन्यागू फिल्म सिफारिस याःगु मध्ये सुरेन्द्र तुलाधरया ‘पानवति’, बालमुकुन्द प्रजापतिया ‘तापालय्’ व अमृतमान महर्जनया ‘स्वयेनगु’ दुथ्याःगु खः । आः सिफारिस जूगु फिल्म...

नेवाः अमेरिकन दबूया गुँभ्वय्

अमेरिकाया फाडर्स डेया लसताय् नेवाः अमेरिकन दबूपाखें वंगु शनिवाः सिकागोया बंकरहिलय् गुभ्वँय् न्यायेकल । सिकागोय् च्वनाच्वंपिं सछिं मल्याक नेवाः व गैर नेवाःतय्सं ब्वति काःगु उगु गुँभ्वजय् लाखे व झ्यालिंचा प्याखं क्यनेगु लिसें समयब्व ब्वयेगु ज्या जूगु खः । गुँभ्वजय् उदय महर्जन लाखे...

थिमिइ सांस्कृतिक पत्रकारिता तालिम

नेवाः पत्रकार राष्ट्रिय दबू ख्वप कचाःया ग्वसालय् छवाःयंकंया सांस्कृतिक पत्रकारिता तालिम थनिंनिसें न्ह्यात । नेवाः पत्रकार राष्ट्रिय दबू ख्वप कचाया नायः ईश्वरकाजी खाइजूया सभापतित्वय् जूगु तालिम उलेज्या मध्यपुर थिमि नपाया मेयर मदनसुन्दर श्रेष्ठं यानादीगु खः । समारोहय् नेवाः पत्रकार राष्ट्रिय दबूया नायः...

‘काव्यय् न्हूगु शैली मवल’

 वरिष्ठ साहित्यकार मल्ल के. सुन्दरं नेपालभाषाया काव्य विधा थौंकन्हय् पुलांगु हे शैलीं न्ह्या वनाच्वंगु खँ धयादीगु दु । पलिस्था चिनाखँ मुँज्याय् दुथ्याःगु कविताया समिक्षा यानादिसें भाजु मल्लं नेपालभाषाया काव्य विधाय् खुसः दँ न्ह्यवनिसें आधुनिक ई तक थ्यंबलय् थीथी इलय् ई युगबोध...

नेपालभाषा परिषद्या थीथी सिरपाः - मथुराया…

नेपालभाषा परिषदं झी कवि चित्तधर हृदयया बुन्हि लाकाः दँय्दसं बीगु याना वयाच्वंगु थीथी सिरपाः घोषणा जूगु दु । शुक्रवाः च्वंगु परिषद्या कार्यकारिणी बैठकं थ्व सिरपाःया निर्णय याःगु खः । परिषद्पाखें थुगुसी ‘भाषाथुवाः’ उपाधिपाखें वरिष्ठ आख्यानकार मथुरा साय्मियात छाय्पीगु निर्णय याःगु दु । अथे हे...

देय् दबूया पदाधिकारी ल्यज्या

नेवाः देय् दबूया खुक्वःगु महाधिवेशनं निर्वाचित पदाधिकारीतय् न्हापांगु पूर्ण बैठकं दबूया ज्यासना पुचःया पदाधिकारी ल्यज्या नापं जिम्मेवारी लःल्हाःगु दु । बैठकं पुलांम्ह कार्यवाहक महासचिव माइलाबाबु द्यःलायात महासचिव पदय् मनोनित याःगु दु । अथे हे अन्जिता खड्गीयात कोषाध्यक्षय् मनोनित याःगु दु । सचिवय् सत्यनारायण...

देय् दबुलिइ हाकनं नरेश

ने.सं. ११३७ चौलागा द्वादशि, आइतवाः नेवाः देय् दबूया नायः पदय् नरेश ताम्राकार विजयी जुयादीगु दु । वय्कः थः निकटतम प्रतिद्वन्दी पवित्र वज्राचार्य स्वयां ४६ मत अप्वः हयाः नायः पदय् निर्वाचित जुयादीगु खः । दाङया घोराहीलय् जुयाच्वंगु देय् दबूया खुक्वःगु तःमुँज्याया झ्वलय्...

देय् दबूया तःमुँज्या न्ह्यात

 न्यादँ न्ह्यः २०६९ असोज ६, ७ व ८ गते आनन्दकुटी स्कूलय् स्थगित जूवंगु नेवाः देय् दबूया खुक्वःगु महाधिवेशन थौं दाङया घोराहीइ न्ह्यात । अधिवेशन न्ह्यः ६४ गू जिल्लां वःपिं प्रतिनिधि व पर्यवेक्षकत सहभागी जुसें छगू सांस्कृतिक ¥याली नं पिहां वःगु खः ।...

नेवाः देय् दबुली ताम्राकार हे नायः जुइगु

नेवाः देय् दबूया न्ह्यःने वयाच्वंगु महाधिवेशनय् प्रतिस्पर्धा मयासे सहमति पाखें नेतृत्व ल्ययेगु निंतिं नेवाः ख्यःया न्ह्यलुवापिंसं पहल यानादीगु दु । न्हूम्ह नायःया निंतिं प्रत्यासी जुयाच्वंपिं प्यम्ह दुजःपिं डा. पुष्प®ाज ®ाजकर्णिका®, न®ेश ताम्राका®, पवित्र वज्राचार्य व माइला बाबु द्यःला समेतपिं च्वनाः जूगु...

पत्रकार दबूया पत्रकारिता तालिम

 नेवाः पत्रकार राष्ट्रिय दबूया ग्वसालय् स्वन्हुयंकंया पत्रकारिता तालिम शुरु जूगु दु । यल क्षेत्र नं २ या सांसद चन्द्र महर्जनया निर्वाचन क्षेत्र विकास कार्यक्रम अन्तर्गत जिल्ला समन्वय समितिया संयोजनय् नेवाः पत्रकार राष्ट्रिय दबुलिं उगु तालिम संचालन याःगु खः ।तालिमया उलेज्या यासें सांसद...

छन्हुं हे देय्या दबूया प्यंगू जिल्ला अधि…

  वैशाख ८ व ९ गते यायेगु धकाः क्वःछिनातःगु नेवाः देय् दबूया तःमुँज्या सम्पन्न यायेगु लागिं थीथी जिल्लाय् अधिवेशन यायेगु ज्या धमाधम न्ह्यानाच्वंगु दु । थ्वहे झ्वलय् म्हिगः शनिवाः जक थीथी प्यंगू जिल्लाय् अधिवेशन क्वचाःगु दु ।म्हिगः अधिवेशन क्वचाःगु जिल्लात मध्ये सुर्खेतय् लीला...

थीथी जिल्लाय् देय् दबूया तःमुँज्या

  वइगु बैशाख ८ व ९ गते निन्हुयंकं जुइगु नेवाः देय् दबूया खुक्वःगु महाधिवेशनया निंतिं थीथी जिल्लाय् जिल्ला अधिवेशन न्ह्यानाच्वंगु दु । थ्व झ्वलय् कन्हय् चैत १८ गते जिल्ला अधिवेशन यायेगु निंतिं केन्द्रीय प्रतिनिधिमण्डल थौं हे नुवाकोट थ्यंकूगु दु । अथे हे कंस...

शाक्य फाउण्डेसनया झिंखुक्वःगु दँमुँज्या

ने.सं. ११३७ चिल्लागा त्रयोदशि, आइतवाः शाक्य फाउण्डेसन नेपालया झिंखुक्वःगु दँमुँज्या आः नकतिनि जुल । अध्यक्ष अमिरमान शाक्यया सभापतित्वय् जूगु दँमुँज्याया न्हापांगु सत्र पंचशील प्रार्थना व बोधिमत च्याकाः उलेज्या याःगु खः । फाउण्डेसनया उपाध्यक्ष राजकाजी शाक्यं लसकुस यानादीगु ज्याझ्वलय् महासचिव माधुरी शाक्यं वार्षिक प्रतिवेदन व...

नेपाल लिपि गुथिइ न्हूगु नेतृत्व

नेपाल लिपि गुथिया म्हिगः जूगु तःमुँज्यां भाषासेवी निरञ्जन तबःयात न्हूम्ह नायः ल्यःगु दु । म्हिगः जूगु तःमुँज्यां तबःया नेतृत्वय् न्हूगु ज्यासना पुचः ल्यःगु खः । उकी अनिल स्थापित व महेशमान डंगोल ‘लँजुवाः’ पिं न्वकु, पवित्र कसाः छ्यांज्ये, उत्तम साय्मि दांभरि व मू...

देय् दबू तःमुँज्याया धमाधम तयारी

नेवाः देय् दबूपाखें थीथी जिल्लाय् जिल्ला भेला व गठन पुनर्गठनया ज्या तीव्र रुपं न्ह्यानाच्वंगु दु । थ्व झ्वलय् थौं तुल्सीपुरया लमहीइ नेवाः देय् दबूया केन्द्रीय पदाधिकारी व स्थानीय जिल्ला दुजःतय् दथुइ सहलह जुल । अथे हे देय् दबूया कावा महासचिव व खुक्वःगु...

धर्मोदय सभाया न्हय्स्वक्वःगु वार्षिक साध…

नेपाःया राष्ट्रिय बौद्ध संस्था नापं विश्व बौद्ध भातृत्व संघ नेपाल क्षेत्रीय केन्द्र धर्मोदय सभाया न्हय्स्वक्वःगु वार्षिक साधारणसभा आः नकतिनि जुल । श्रीकीर्ति विहार किपुलिइ जूगु साधारणसभाया उलेज्या मूपाहां लुम्बिनी विकास कोषया उपाध्यक्ष भिक्षु निग्रोधं बोधिदीप प्रज्वलन यासें यानाबिज्याःगु खः । साधारणसभाया उलेज्याय्...

भाषासेवी प्रेमपूर्ण कर्माचार्य मंत

नेपाल– भाषा आन्दोलनया सक्रिय न्ह्यलुवा लिसें नांजाःम्ह समाजसेवी प्रेमपूर्ण कर्माचार्य म्हिगः मंत । वय्कः ८४ दँ दुम्ह खः । छगू इलय् अतिकं सक्रिय नेवाः संस्था नासः खलःलिसे आवद्ध जुयाः भाषासेवाय् लगे जुयादीम्ह वय्कः लिपांगु इलय् बागबजाः लागाय् ब्यांचुलि गुथिया नायः जुयाः सक्रिय...

देय् दबू तःमुँज्याया व्यवस्थापन समिति

  नेवाः देय् दबू केन्द्रीय समितिया पदाधिकारी व स्थानीय आयोजक समितिया पदाधिकारीपिं जानाः थौं सुथय् थन जूगु मंकाः बैठकं दिपक श्रेष्ठया अध्यक्षताय् नेवाः देय् दबूया खुक्वःगु तःमुँज्या मूल ब्यवस्थापन समिति नीस्वंगु दु । नेवाः देय् दबूया नायः नरेश ताम्राकार नापं तःमुँज्या आयोजक...

पोखराय् स्वलाय् छगू नेवाः संकिपा

ने.सं. ११३७ चिल्लागा अस्तमि, मंगलवाः पोखराय् स्वलाय् छगू नेवाः प्याखं क्यनीगु जूगु दु । नेवाः खलः कास्कीपाखें नेवाः प्याखं क्यनेगु तयारी याःगु खः । नेवाः खलः कास्की व नेवाः संकिपा राष्ट्रिय दबूया दथुइ नेवाः प्याखं क्यनेत कार्यगत एकता यानाः वनेगु सहमति जूकथं पोखराया हलय्...

थुगुसी झिंप्यसःयात स्वयम्भू भ्वय् नकल

ने.सं. ११३७ चिल्लागा सप्तमि, सोमवाः थुगुसी स्वनिगःया साय्मितय् परम्परागत स्वय्म्भू भ्वय् (न्हय्सः साय्मि भ्वय्) या झ्वलय् झिंप्यसःयात भ्वय् नकेगु ज्या जुल । केन्द्रीय मानन्धर संघया ग्वसालय् दँय्दसं होलिपुन्हि धुनेवं न्हापांगु शनिवाः साय्मितय्सं परम्परागत स्वयम्भू भ्वय् न्यायेगु याना वयाच्वंगु खः । मरुध्वाखा खलः मानन्धर समाजया...

Go to top

Copyright © 2016  nepalbhasa.com. All rights reserved.