स्वनिगः

येँ – सडक विस्तार पीडित संघर्ष समितिं थौं सुथय् १० बजे निसें न्हिनसिया १ बजे तक माइतीघर मण्डलाय् धर्ना बीगु जूगु दु । धर्ना ज्याझ्वलय् आपालं नेवाः न्ह्यलुवापिंसं ब्वति काइगु खँ सघर्ष समितिया दुजः जितेन्द्र वज्राचार्यं ‘नेपालभाषा टाइम्स’ यात कनादिल । थौंया थ्व धर्ना ज्याझ्वलय् हाकुगु पट्टी चिनाः विरोध प्वंकेगु तयारी जुयाच्वंगु जानकारी नं भाजु वज्राचार्यं बियादीगु […]

ख्वप – विश्व क्षयरोग दिवसया लसताय् थनया थीथी संघसंस्था जानाः मंकाः निःशुल्क स्वास्थ्य शिविर ज्याझ्वः यात । ‘दक्वं तहया नेतृत्वतय्गु प्रतिवद्धता क्षयरोग मुक्त नेपालया सुनिश्चितता’ धइगु मूनारालिसें थीथी संघसंस्थाया सहकार्यय् स्वास्थ्य शिविर जूगु खः । ग्लिटर फ्युचर माध्यमिक विद्यालय वाराहीस्थानय् जूगु शिविर विद्यालयया हे प्रिन्सिपल नापं नेपाल रेडक्रस सोसाइटी वाराही उपशाखाया सभापति रामप्रसाद खाताख्वया सभापतित्वय् जूगु खः । […]

येँ – ख्वनाय् जुयाच्वंगु फास्ट ट्राय्क निर्माणया ज्यायात कयाः म्हिगः संघीय समाजवादी फोरमया सहअध्यक्ष राजेन्द्र श्रेष्ठं विरोध यानादीगु दु । म्हिगः संसदय् न्ववायेगु झ्वलय् वय्कलं उगु विरोध यानादीगु खः । नेपाःया झिगू सांस्कृतिक धरोहर युनेस्कोया विश्व सम्पदाय् सूचीकृत जुइधुंकूगु व ख्वना झिंछगूगु विश्व सम्पदाया धलखय् सूचीकृत जुइगु लँपुइ वनाच्वंगु धासें उकियात नष्ट यायेगु ज्या राज्यं […]

येँ -ईयुया चुनावी प्रतिवेदनयात कयाः न्हापा छुं पार्टीया नेतातय्सं जक विरोध याःगु खःसा म्हिगः प्रतिनिधिसभाया बैठकय् नं थुकिया बारे वादविवाद जुल । संसदय् न्ववासें संघीय समाजवादी फोरमया सहअध्यक्ष राजेन्द्र श्रेष्ठं ईयुया प्रतिवेदनयात समर्थन यानादिल । वय्कलं सामाजिक न्याय धइगु उत्पीडित वर्गयात दइगु खः, शोषक वर्गयात दइ मखु धासें ईयुपाखें नेपाःया संविधानया प्रावधानयात याःगु टिप्पणी पाय्छि खः धयादिल । […]

किपू – थनया ऐतिहासिक थाय्या नांया संरक्षण यायेगु निंतिं सचेतना अभियान न्ह्याःगु दु । थनया स्थानीय ल्याय्म्हतय् छगू पुचलं ऐतिहासिक थाय्या नां संरक्षण व सचेतना अभियान न्ह्याकूगु खः । गोपालवंशकालंनिसें मानव वस्तीया अस्तित्व दुगु ऐतिहासिक थाय् जूगु धासें व उकिया क्षेत्रया इतिहासया थीथी कालखण्डय् अस्तित्वय् वयाः आतक नं प्रचलित ऐतिहासिक थाय्या नां कायम जुयाच्वंगु धासें उकिया संरक्षण […]

ख्वप – ख्वपय् आः शनिवाः पतिकं हनुमन्ते सफाई अभियान न्ह्याकीगु जूगु दु । म्हीग थनया बाराही ताँनिसें राममन्दिर तकया लागाय् जूगु हनुमन्ते सफाई अभियान कलाकार धुर्मुसं उलेज्या यानादिल । उगु ज्याझ्वलय् निद्वः मनूतय् सहभागिता दुगु खः । नेपाल प्रहरी, नेपाली सेना व सशस्त्र प्रहरीया सहभागिताय् स्थानीय जनता जानाः उगु सफाई अभियान न्ह्याकूगु खः । उलेज्याया समापन ज्याझ्वलय् अन्तर्राष्ट्रिय धावक […]