अन्तर्राष्ट्रिय

एजेन्सी- रुसय् छगू सपिङ मलय् मि च्यानाः ६४ म्ह मनूत सीगु दु । साइबेरियाय् लाःगु केमेराभा शहरय् च्वंगु विन्टर चेरी कम्प्लेक्सय् मि च्याःगु खः । मिइ लानाः सीपिं अप्वः धयाथें मस्त जूगु खँ धाःगु दु । कम्प्लेक्सया दकलय् च्वय्या तल्लां मि च्यानावःगु खँ धाःगु दु । थ्व मलय् थीथी पसःया लिसें सिनेमा हल, बलिङ यायेथाय् […]

बेलायतय् नं रञ्जना लिपि स्यनेगु ज्या जुल । नेपालभाषाया छगू सुन्दर लिपि कथं नांजाःगु रञ्जना लिपि बारे जानकारी यायेगु व थुकिया सामान्य ज्ञान बीत बेलायतया लण्डनय् नकतिनि छगू कार्यशाला गोष्ठी जूगु खः । वल्र्ड नेवाः अर्गनाइजेशन (डब्लुएनओ) युके च्याप्टरया ग्वसालय् जूगु उगु कार्यशालाय् नेपाःमि स्वयां नं बेलायतीतय्सं अप्वः रुची क्यंगु खः । डब्लुएनओ युकेया कजि संयुक्त श्रेष्ठं निघौ […]

फेसबुकया संस्थापक मार्क जुकरबर्गं छगू राजनीतिक परामर्शदाता कम्पनीं लाखौं फेसबुक प्रयोकर्तातय् विवरण काःगु खँय् घटनाय् थःगु कम्पनीया गल्ती जूगु स्वीकार याःगु दु । राजनीतिक लाभया निंतिं केम्ब्रिज एनालिटिकां गलत ढंगं फेसबुक प्रयोगकर्तातय् सुचं खुयाकाःगु द्वपं लानाच्वंगु दु ।केम्ब्रिज एनालिटिकां न्यागू करोड फेसबुक प्रयोगकर्तातय् विवरण संकलन याःगु व उपिं मध्ये यक्वसिनं थःगु विवरण बीत सहमति मप्वंकूगु […]

भारतय् संघीयताया अभ्यास तसकं पुलां । नेपालय् संघीयता नकतिनि जक कार्यान्वयनय् वःगु दु । अर्थात नेपालय् संघीयताया अभ्यास शुरु जक जुल । संघीयता विरोधीतय्सं अनेकथंया खँ पित हयाच्वंगु झीगु निंतिं छुं न्हूगु मखये धुंकल । संघीयताय् निगू प्रान्तया दथुइ अनेकथंया खँय् विवाद वयेफु । उकिं नेपाःया सन्दर्भय् संघीयता पाय्छि मखु धाइपिं संघीयता विरोधीत गाक्कं दु ।संघीय व्यवस्थाय् छु छु विषयय् विवाद […]

चीनया राष्ट्रपति शी जिनपिंगं मंगलवाः झिंस्वक्वःगु नेशनल पिपल्स कंग्रेसय् संवोधन याःगु दु । निक्वःगु कार्यकालया निंतिं नकतिनि निर्वाचित जूम्ह राष्ट्रपति जिनपींगं थ्व पालय् तसकं आक्रमक भाषण बियादीगु दु । चीन विश्वय् थःगु थाय् दयेकेगु निंतिं पूवंक आश्वस्त दु धासें वय्कलं चीनया कायाकल्प हे चिनियातय् तःधंगु म्हगस खः धयादीगु दु ।थ्व झ्वलय् वय्कलं थुकिया निंतिं थःपिं न्ह्याथेंज्याःगु लडाइ ल्वायेत […]

येँ- आसामया नेवाःतय्त नं आः अनया आदिवासी जनजाति धलखय् दुथ्याकेगु निंतिं तयारी जुयाच्वंगु दु । अनया नेवाःतय्सं थःपिंसं नेवाः भाषा, सस्कृति, संस्कार व लिपि मसःगुलिं यानाः आदिवासी जनजातिया धलखय् दुथ्याके मफुगु खँ धाःगु दु । थःपिंत आदिवासी जनजाति धलखय् दुथ्याके मफयेवं अन सरकार पाखें वइगु थीथी कथंया सुविधां थःपिं बञ्चित जुइ मालाच्वंगु खँ नं धाःगु खः । उकिं […]