नेवाःख्यः

येँ – सरकारं पुस २७ गते पृथ्वी जयन्तीया न्हिकुन्हु सार्वजनिक विदा बिउगु विरोधय् म्हिगः थनया असनय् छगू विरोध प्रदर्शन जुल । नेवाः जागरण मंचया ग्वसालय् ब्यानर व प्लेकार्ड सहित विरोध प्रदर्शन याःगु खः । ‘पृथ्वीनारायण शाहं नेपाः एकीकरण याःगु मखु, राज्य विस्तार जक याःगु खः’, ‘गणतन्त्र नेपालय् जुजु पृथ्वीनारायण शाहया नामं बिउगु विदाया विरोध यायेनु’, ‘पृथ्वीनारायण युद्ध […]

येँ – नेपालं पिने थीथी देशय् नेवाः भाय् व संस्कृति बारे स्यनेकने यायेगु झ्वलय् भूटानया नेवाःतय्सं नं नेवाः भाय् सयेकेगु इच्छा प्वंकूगु दु । आः नकतिनि भूटानं नेपाः वःपिं छपुचः भूटानी नेवाःतय्सं थ्व इच्छा प्वंकूगु खः । खुन्हु तक थन हे च्वनाः नेवाः भाय् सयेकेत छु छु याये माली धइगु सीकाः उपिं स्वदेश लिहां नं वनेधुंकूगु दु । […]

येँ  – गुंगू व झिगू तगिमय् नेपालभाषा विषय ब्वंकेगु बारे थीथी स्कूलया प्रिन्सिपल व शिक्षकपिनि दथुइ सहलह जुल । नेपालभाषा ब्वनीपिं विद्यार्थी अप्वयेकेगु बारे सहलह न्ह्याका यंकेत छगू पुचः नं नीस्वंगु दु । पुचःया अध्यक्ष कथं थिमिया आदर्श माविया पुलांम्ह प्रिन्सिपल विद्या चित्रकार च्वनादीगु दुसा जगतसुन्दर ब्वनेकुथिया प्रिन्सिपल सुनिता मानन्धर छ्यांज्ये व दुजः कथं नेवाः स्यनामि नेपालमण्डलया […]

किलाघः सांस्कृतिक पुचःया ग्वसालय् येँ महानगरव्यापी न्हापांगु मेयर्स कप ट्रफि चिग्व धिमय् धेंधेंबल्लाः जुइगु जूगु दु । थ्व हे वइगु पोहेलागा द्वादशि (पुस २९ गते) कुन्हु जुइगु धेंधेंबल्लाखय् येँ महानगर दुनेया ख्वीनिगू ज्यापु त्वाः खलःपाखें मुक्कं नीगू पुचलं ब्वति काइगु ग्वसाः खलकं जानकारी बिउगु दु । कासाय् न्हाप, लिउ व लियांलिउ लाःगु पुचःयात नगद सिरपाः लिसें ट्रफि […]

येँ देय्या म्हसीका जुयाच्वंगु मरुसतः पुनःनिर्माण विवादया कारणं ढिलासुस्ती जुयाच्वंगु सकसिनं सिउगु हे खँ खः । मरुसतः पुनःनिर्माण यायेगु बारे पुरातत्व विभाग, येँ महानगरपालिका, राष्ट्रिय पुनःनिर्माण प्राधिकरण व काष्ठमण्डप पुनःनिर्माण अभियानया दथुइ खँ मिले मजुइवं मरुसतः पुनःनिर्माणं गति काये फयाच्वंगु मदु । छखे मरुसतः पुनःनिर्माणं गति काये फया च्वंगु मदुसा मेखे मरुसतःया पुलांगु सिँ बेवारिसे अवस्था त्वःता […]

येँ : नेपालभाषाया शैक्षिक ज्वलंत इन्टरनेटं डाउनलोड यानाः ब्वने फइ कथं सफ्टवेयर दयेकेत बिहिवाः छगू सहलह ज्याझ्वः जूगु दु । सम्मुन्नत नेपाल व वल्र्ड एजुकेशन नेपालया मंकाः ग्वसालय् न्ह्याःगु “डाइलेक्ट माय्पिंग वर्कशप अन नेपालभाषा” ज्याझ्वलय् च्वमि रास जोशी, नेपालभाषा अभियन्ता देवदास मानन्धर, बिष्णु चित्रकार लिसें थीथी ब्वनेकुथिया स्यनामिपिंसं ब्वति काःगु खः । ज्याझ्वलय् नेपाः दुनेया […]